یہ واقعہ خاصا پرانا ہے مگر نہ پاکستان کے حالات بدلتے ہیں اور نہ ہی زندگی کے واقعات پرانے ہوتے ہیں ۔یہ حیرت انگیز واقعہ جب بھی اس طرح کی صورتحال پیدا ہوتی ہے، مجھے یاد آجاتا ہے۔

میڈم نورما ایک ایسی برطانوی خاتون ہے جو ماورائی مخلوقات کے رابطے کی وساطت سے ماضی اور مستقبل میں جھانکنے کی قوت رکھنے کے بارے میں مشہور ہے۔ ایک دوست کی وساطت سے اُس سے ملاقات کیلئے آدھ گھنٹہ کا وقت ملا۔ میں اپنی بیگم کے ساتھ وہاں گیا۔ ایک لمبی ڈرائیو کے بعد قدرے ویران اور نیم تاریک راستہ سے ہوتے ہوئے ہم ایک بڑی سی مینشن نما عمارت میں داخل ہوئے۔ عمارت بظاہر کسی بھوت بنگلہ سے کم نہیں تھی۔ دیواروں پر جگہ جگہ کائی کی ہریالی تھی کسی کیتھیڈرل کی کھڑکیوں کی طرح رنگین شیشوں سے صدیوں کے دبیز پردے جیسے کبھی اٹھائے ہی نہیں گئے تھے، اندر سے کہیں دور کوئی شمع سی جلتی محسوس ہو رہی تھی، باہر کچھ اندھیرے سایوں کی وحشت، کچھ درجہ حرارت کی کمی اور کچھ تیز ہوا کی سائیں سائیں نے ماحول پر ایک ڈرائونا ساہو کا عالم طاری کر رکھا تھا۔ گاڑی ایک آہنی دروازے میں سے ایک کھلے اور روشن میدان میں عمارت کے استقبالیہ کے قریب کھڑی کرنے کے بعد جب ہم صدر دروازے کے قریب پہنچے تو میں نے پلٹ کر دیکھا۔ یہ میدان دراصل عمارت کے سامنے ایک ایسے باغیچہ کا حصہ تھا جِس میں دور دور تک صرف جھاڑیاں یا سوکھے ہوئے پودے اور درخت پاکستانی عوام کی طرح چیخ چیخ کر ان گنت محرومیوں کے موسموں کی داستان سنا رہے تھے۔ کچھ خزاں تھی اور کچھ سناٹا تھا کہ پائوں میں سوکھے پتے حشر کا سماں الاپتے محسوس ہو رہے تھے۔ نظر ایک لمحہ کا فاصلہ کئی برس میں طے کرتے ہوئے صدر دروازے پر اٹک گئی۔ رنگ اور وارنش سے بے نیاز بڑا سا پرانی لکڑی کا دروازہ جِس پرایک بڑا سا زنگ آلودہ آہنی اور چند ایک آرائشی بڑے بڑے کیلوں کے ابھرے ہوئے........

© Daily Jang