پی ڈی ایم میں جمعیت علمائے پاکستان بھی شامل رہی مگراس کی کوئی حیثیت کبھی سامنے نہیں آئی تھی۔ شاہ اویس نورانی کا چہرہ اکثر میٹنگز میں دکھائی جاتا تھا ۔حالانکہ کسی زمانے میں جمعیت علمائے پاکستان ،بریلوی مکتب فکر کی پاکستان میں نمائندہ سیاسی جماعت ہوتی تھی ۔شاہ احمد نورانی صدر ہوتے تھے ، مولانا عبدالستار خان نیازی جنرل سیکریٹری ،پھر ان دونوں لیڈران میں جھگڑا ہو گیا تھا جمعیت دو حصوں میں تقسیم ہو گئی ۔سیاسی ساکھ رفتہ رفتہ ختم ہوتی گئی ۔ علامہ طاہر القادری نے اپنی علیحدہ عوامی تحریک شروع کر دی ۔ کچھ پیران ِعظام نون لیگ میں شامل ہو گئے ہیں ۔کچھ نے پیپلز پارٹی میں شمولیت اختیار کرلی ۔ کچھ تحریک انصاف میں بھی شامل ہوگئے۔جمعیت علمائے پاکستان کا نورانی گروپ کراچی بلکہ شاہ اویس نورانی تک محدود ہوکر رہ گیا۔نیازی گروپ کی عمل داری بھی پنجاب میں تنظیمی سطح کی حد میں رہی ۔جمعیت کی جو طلبا تنظیم تھی ،انجمن طلبائے اسلام ،اس کے بھی کئی ٹکڑے ہوئے اور وہ دوسری طلبا تنظیموں کی طرح اپنی سرگرمیاں محدود کرتی چلی گئی ۔کراچی میں ایک سنی تحریک وجود میں آئی یا لائی گئی وہ بھی ایک خود کش دھماکے کی نذر ہو گئی ۔جمعیت علمائے پاکستان پھر سیاسی طور پرزندہ کرنے کےلئے اس کے مرکزی جنرل سیکریٹری صاحبزادہ محمد صفدر شاہ نے گزشتہ دنوں خاصی کوشش کی اور آخر میں تھک ہار کےآصف علی زرداری سے ملاقات کی ، پیپلز پارٹی کے ساتھ اتحادکرنے کا اعلان کیا۔جمعیت علمائے پاکستان کے بانی علامہ سید احمدسعیدکاظمی کے فرزند سید حامد سعید کاظمی بھی اس وقت پیپلز پارٹی کے ٹکٹ پرالیکشن لڑرہے ہیں۔ بلاول بھٹو زرداری پاکستان عوامی تحریک کے سیکریٹریٹ پہنچ گئے،جہاں انہوں نے پاکستان عوامی تحریک کے رہنماؤں سے ملاقات کی۔خرم نوازگنڈا پور نےبلاول بھٹو کے ساتھ باقاعدہ پریس کانفرنس کی۔شاہ اویس نورانی کا بھی پیپلز........

© Daily Jang