سعودی عرب کے شہر ریاض میں ملک کا پہلا شراب خانہ کھولا جا رہا ہے ،مجھے نہیں پتا کہ یہ کون سا اسلام ہےجو برادر اسلامی ملک میں اپنایا جا رہا ہے کیونکہ اگر ’ماضی والا اسلام ‘ٹھیک تھا تو پھر اب شراب خانے کا اجازت نامہ کس شریعت کے تحت جاری کیا جا رہا ہے؟اِن سوالوں کے جواب میں جس قسم کی تاویلیں دی جاتی ہیں اُن کا خلاصہ اگر کیا جائے تو اِس قسم کا ہوگا کہ یہ اسلام نہیں بلکہ آمریت اور ملوکیت کے ماڈل ہیں جو برادر ممالک میں رائج ہیں، وہاں بادشاہ کا کہا ہوا حرف آخر ہے جبکہ اسلام میں اللہ کا حکم چلتا ہے جسے کوئی تبدیل نہیں کرسکتا،شراب اگر اسلام میں حرام ہے تو اسے کسی شاہی فرمان کے ذریعے حلال نہیں کیا جا سکتا ،خواتین کیلئے اگر پردے کا حکم ہے تو اسے بہ یک جنبش قلم کوئی ختم نہیں کرسکتا،عورتوں اور مردوں کے اختلاط کی اگر دین میں ممانعت ہے تو کوئی عالم دین اسے اپنی خواہش کے مطابق بدل نہیں سکتا۔کچھ لوگ اِن جوابات سے مطمئن ہوجاتے ہیں مگر کچھ اللہ کے بندے ایسے بھی ہیں جویہ باتیں سننے کے بعد مزید الجھن کا شکار ہوجاتے ہیں اور سوچتےہیں کہ اگر برادر ممالک میں دین درست طریقے سے نافذ نہیں ہے تو کیا ایران ، افغانستان اور پاکستان میں صحیح طور سے نافذ ہے؟اِس سوال کے جواب میں مزید تاویلیں تراشی جاتی ہیں اور بتایا جاتا ہے کہ نہیں یہ بھی اسلام کی اصل تصویر نہیں ، تاہم اصل تصویر کیا ہے،یہ کوئی نہیں سمجھاتااور نہ اِس بات کاتسلی بخش جواب دے پاتا ہے کہ اگر دنیا میں کہیں بھی اسلام اپنی اصل شکل میں نافذ نہیں تو ایسا کیوں ہے؟ میرا موضوع یہ نہیں کہ اسلام کی درست تعبیر کیاہے ، کہاں نافذ ہے ، کیسے نافذ کی جا سکتی ہے، اِس پر پھرکبھی اظہار خیال کروں گا، آج موضوع یہ ہے کہ سوالات کے تسلی بخش جوابا ت کیوں نہیں ملتے، کہاں ہیں وہ لوگ جو علم الکلام کے........

© Daily Jang