صدرِ مملکت آصف علی زرداری نے آئینی ضرورت پوری کر دی اور پیپلزپارٹی پارلیمنٹیرین کی سربراہی سے مستعفی ہو گئے ہیں،ان کی طرف سے تاخیر کے باعث تنقید ہو رہی تھی اور ہم جیسے حضرات نے بھی توقع کی تھی کہ وہ ایسا کریں گے تاہم ان کی طرف سے تاخیر ہوئی اور سوچ سمجھ کر فیصلہ کیا گیا،جو اسی حق میں ہوا۔ تاحال کسی جیالے کی نامزدگی تا تقرری کے بارے میں اعلان نہیں ہوا۔یوں بھی اس کے لئے مرکزی مجلس عاملہ اور جنرل کونسل کے اجلاس میں کوئی حتمی بات کر کے نئی تقرری کریں گے۔اگرچہ تاحال اس کی ضرورت نہیں کہ اصلی تے وڈی پیپلز پارٹی موجود ہے جس کی سربراہی بلاول بھٹو زرداری کر رہے ہیں۔یوں جب مجلس عاملہ کا اجلاس ہوتا تو صدارت مشترکہ ہی ہوتی تھی،اِس لئے جماعتی طور پر تو کوئی مشکل نہیں،جلد ہی بلاول کو جاں نشین بنا دیا جائے گا اور پھر ان کو جماعتی طور پر آزادی یا خود مختاری مل جائے گی۔اگرچہ والد مشورہ تو دے ہی سکتے ہیں۔(تاہم کراچی سے خبر دی گئی ہے کہ اگلی باری پھر زرداری، یعنی ہمشیرہ محترمہ فریال تالپور کی لگنے والی، غور شروع ہے)

آصف علی زرداری صدارتی منصب سنبھالنے کے بعد سے ایوانِ صدر میں مصروف تھے اور ان کی توجہ بھی انہی مصروفیات کی طرف تھی،تاہم گزشتہ دِنوں انہوں نے کراچی جا کر انٹری دی اور ایک ایسا سوال بھی کیا،جو ابھی تک کسی نے نہیں پوچھا یا شاید پوچھنے کی ضرورت ہی محسوس نہیں کی گئی،امن و امان کے حوالے سے اعلیٰ سطحی........

© Daily Pakistan (Urdu)