سیاسی جماعتوں کے منشور و الیکشن 2024ء
منشور کسی بھی سیاسی جماعت کا وہ پروگرام ہوتا ہے جو اس کے ویژن اور آئندہ کے لائحہ عمل کا عکاس ہوتا ہے اس کے ذریعے سیاسی جماعت اور اس کی قیادت عوام کو بتاتی ہے کہ وہ برسر اقتدار آ کر ان کے لئے کیا کرے گی اور ان کے مسائل کے حل کے لئے کیا لائحہ عمل اختیار کرے گی۔ گویا منشور کسی بھی سیاسی جماعت اور اس کی قیادت کا مستقبل کا روڈ میپ ہوتا ہے۔ تاریخی اعتبار سے کمیونسٹ پارٹی کا منشور، ایک ایسی دستاویز ہے، جس پر نہ صرف بالشویک پارٹی نے عظیم اشتراکی ریاست کھڑی کی، بلکہ تمام سوشلسٹ ممالک کے لئے نشان منزل کا کردار ادا کیا۔ اشتراکیت کو مختصر ا سمجھنے اور جاننے کے لئے یہ منشور کلیدی دستاویز کی حیثیت رکھتا ہے۔ جمہوری نظام سیاست میں بھی منشور ہی سیاسی جماعت کے لئے مقدس دستاویز کی حیثیت رکھتا ہے۔ الیکشن 2024ء میں تین چار قومی جماعتیں انتخابات میں حصہ لے رہی ہیں۔ پاکستان تحریک انصاف پاکستان مسلم لیگ (نواز)، پاکستان پیپلز پارٹی، جماعت اسلامی اور تحریک لبیک پاکستان میدان عمل میں ہیں اس کے علاوہ جمعیت علماء اسلام، ایم کیو ایم جی ڈی اے، اور دیگرعلاقائی جماعتیں بشمول ولی خان پارٹی وغیرہ انتخابات میں حصہ لے رہی ہیں۔ تین جماعتیں بشمول پی ٹی آئی، پیپلز پارٹی اور مسلم لیگ نواز مرکزی سیاسی جماعتیں ہیں، جن کا ووٹ بینک بھی ہے اور وہ مرکزی اور صوبائی سطح پر حکمرانی کا تجربہ بھی رکھتی ہیں پیپلز پارٹی اور ن لیگ طویل عرصے تک حکمرانی کا ریکارڈ رکھتی ہیں۔پاکستان میں پیپلز پارٹی سب سے سینئر سیاسی جماعت ہے جو جنرل ایوب خان کے طویل حکمرانی کے ری ایکشن میں قیام پذیر ہوئی۔ 1947ء تا 1956ء، 9سالہ دور حکمرانی سیاستدانوں اور سول بیورو کریسی کے........
© Daily Pakistan (Urdu)
visit website