Анї нє два боки, алє два швети, два димензиї жиєме у жеми Сербиї тих дньох.
У медийох ше собешеднїки давно подзелєли, та єдни иду лєм ґу єдним и бешедую о себе и дакус о других, а други иду ґу другим и бешедую лєм о перших и дакус о себе. Таки и теми, од перших уж шицко знаш цо учуєш, а од других це уж вецей нїч нє може нєсподзивац. Но, дакеди ше и помишаю.
Почувствовала сом и на своєй скори кед сом истого дня кед польопривреднїки протестовали знїмала преподаванє за других польопривреднїкох о автоматских дронох за пирсканє вештаку; родичох хтори нє знаю як заробиц досц динари за дохторски препатрунки свойого сина, а вец о пар минути, чекаюци други терен, надвива ше надо мну єден моцни леґинь и випитує ше же цо знїмаме, лєм прето же зме преблїско просторийом странки… Вон зна шицко, а ми, новинаре, випатра нїч.
Кед о транспорту слово и ту двойнїста реалносц. Будуюци гайзибанску драгу, з машинами ореме власни улїчки; даґдзе ше отвераю авто-драги, а у нас дзири и то на мосце кадзи прейдзе тисячи автох на дзень. Чуєм же ше знова почало шверцовац ґориво, же го можеце плациц на кредитну карточку и же поштаре и польопривреднїки нє пошли на протест прето же нє маю за ґориво, покля за ґориво стотки автобусох хтошка ма динари. За даєдни автобуси заш знова нєт, бо динари за мешачну карту за одход до школи дзеци у Вербаше и далєй чекаю (прешлого року перша уплата була 31. децембра).
Подзелєня на уровню дзе жиєш ище горши. Пензионерски карточки дати шицким, лєм же у Беоґрадзе маю попусти у предавальньох, подприємствох, превозкох, театрох, а вербаски пензионере скоро нїч од того, а явна превозка и театер анї нє постоя. Дзеци у Беоґрадзе, Новим Садзе, Суботици маю безплатну дзецинску заградку, а у Вербаше кошта у просеку 4.000 динари мешачно. Кед ши з Коцура або Руского Керестура и потребни ци ґинеколоґ, кардиолоґ, педиятер, потребни ци и динари, и гориво, а и шлєбодни дзень.
У предавальньох за дакого чарни пияток, а за дакого лєм дацо за полудзенок и дакус овоци; у школи ше дахто учи, а дахто учи як ше вицагнуц, видвоїц; на роботи дахто о своєй роботи, а дахто ровно єднак о цудзей; на улїчки, у будинку ‒ кажде на свой бок. Нїч друге анї нє можеш, алє виберац бок:
Застарани за еґзистенцию, духовну и материялну, або застарани за свойо положенє.
За свою и шлєбоду шицких людзох, або за шлєбодних криминалцох.
Одвичательни спрам себе, або одвичательни ґу другим.
The post З боку first appeared on Руске слово.
З боку
5
0
03.12.2023
Анї нє два боки, алє два швети, два димензиї жиєме у жеми Сербиї тих дньох.
У медийох ше собешеднїки давно подзелєли, та єдни иду лєм ґу єдним и бешедую о себе и дакус о других, а други иду ґу другим и бешедую лєм о перших и дакус о себе. Таки и теми, од перших уж шицко знаш цо учуєш, а од других це уж вецей нїч нє може нєсподзивац. Но, дакеди ше и помишаю.
Почувствовала сом и на своєй скори кед сом истого дня кед польопривреднїки протестовали знїмала преподаванє за других польопривреднїкох о автоматских дронох за пирсканє вештаку; родичох хтори нє знаю як заробиц досц динари за дохторски........
© Руске слово
visit website
login
who are we?
contact us
qosheapp
Toi Staff
Gideon Levy
Belen Fernandez
Rami G Khouri
Mort Laitner
Donald Low
Ali Fathollah-Nejad
Nikkei Editorial
