Sərgidə kitablarım qarşımda oturmuşam. Bir ana, yanında iki qızı ilə yaxınlaşdı. Qızlardan biri kitaba barmağını uzadıb, “buna bax, gör necə dəqiqliklə çəkiblər şəkli” - dedi.
Sonra anası götürdü, açıb təsadüfi bir səhifə açdı. Başladı gülməyə. Bahar bax:
- “Anamla sözüm çəp gəldi, üstünə qışqırıb evdən çıxdım…”
Sonra dedi:
- Sən də beləsən, bax. Elə bil sənin üçün yazılıb.
Sonra qız təsadüfi bir vərəq açdı:
- “Aaa, Çingiz Mustafayeeev”. Onu görmək istəyirəm.
- Ha? Qızım, ölüb e o.
- Eee, müğənnini deyirəm e.
Gülüşdülər. Kitabı stendin üstünə qoyub sağollaşdılar. Bu soxasoxda da bir kişi “Harry Potter” kitabını götürüb soruşdu ki, bu, o kino dööl? Dedim, yox, Məleykənin qardaşıdı. Eşitmədi, getdi.