ہم اس وقت ایک خوبصورت سیر کیلئے علامہ اقبال ائرپورٹ کی طرف روانہ ہیں زندگی کے ہر سفر میں تجربات اور خیالات ساتھ ہی ساتھ چلتے رہتے ہیں‘ رات کا اندھیرا لاہور کی سڑکوں کو اور بھی تاریک بنا رہا ہے‘ شاید ہم لاہور کے پرانے بازاروں سے گزر رہے ہیں جہاں روشنی یا سٹریٹ لائٹس کا کوئی خاطر خواہ انتظام نہیں ہے‘ مجھے قطار در قطار خراد کی دکانیں نظر آرہی ہیں ‘جہاں کاری گر ابھی تک اپنے مرمت کے کاموں کو جاری رکھے ہوئے ہیں‘ میرا خیال تھا ہم آدھ گھنٹے میں علامہ اقبال ائرپورٹ پہنچ جائیں گے ‘لیکن یہ راستہ طویل تر ہی ہوگیا ہے کم از کم بھی بس کو ائرپورٹ پہنچتے پہنچتے دو گھنٹے لگ گئے‘ جہاز نے رات نو بج کر دس منٹ پر روانہ ہونا ہے جس کا نتیجہ یہ نکلا کہ ائرپورٹ پہنچتے ہی بہت تیزی کے ساتھ بس میں سے سب سامان نکالا گیا اور انتہائی سرعت کے ساتھ گروپ اس کاﺅنٹر کی طرف روانہ ہوا........

© Daily AAJ