انہی صفحات پر پانچ کالموں کی سیریز میں اسرائیلی لابی سے متعلق تفصیلات آپ ملاحظہ کرچکے ہیں۔ امریکہ میں یہودی لابی کے بعد اگر کسی نے قدم جمائے ہیں تو وہ بھارتی لابی ہے۔ انتہاپسند اور قوم پرست ہند وتنظیمیں امریکہ ہی کیا پورے یورپ میں پنجے گاڑ چکی ہیں۔ہندوتوا کا نعرہ لگانے والی راشٹریہ سیوک سنگھ جو سنگھ پریوار نیٹ ورک کے ذریعے اپنے مشن کو آگے بڑھارہی ہے، بھارتیہ جنتا پارٹی اس کا سیاسی ونگ ،وشوا ہندوپریشد اسکا سیاسی ونگ ، سیوا ویبھاگ اس کاسماجی ونگ جبکہ بجرنگ دَل اس کا عسکری ونگ ہے۔ سنگھ پریوار کے تحت دنیا بھر میں کئی انتہاپسند تنظیمیں کام کررہی ہیں،مثال کے طور پر ہندو سیوک سنگھ کا امریکہ ، برطانیہ، آسٹریلیا، کینیا، نیپال اور لائبیریا میں نیٹ ورک موجود ہے۔ اَکالی ودیالا فائونڈیشن امریکہ اور آسٹریلیا میں کام کر رہی ہے۔امریکہ میں انڈیا ڈویلپمنٹ اینڈ ریلیف فنڈ کا بہت مضبوط نیٹ ورک موجود ہے۔ انفینٹی فائونڈیشن نیو جرسی،سیوا انٹرنیشنل ہیوسٹن ،ہندو امریکن فائونڈیشن واشنگٹن ، وشواہندو پریشد امریکہ ریاست Illionoise، اوبرائے فائونڈیشن ریاست Coorado، اگروال فیملی فائونڈیشن لاس اینجلس،جبکہ Bhutadaفیملی فائونڈیشن اور گلوبل ہندو ہیریٹیج فائونڈیشن ٹیکساس سے کام کر رہی ہیں۔ یہ سب بظاہر تو فلاحی اور سماجی تنظیمیں ہیں مگر انکا اصل کام بھارت کیلئے لابنگ کرنا اور فنڈز جمع کرکے سنگھ پریوار کے انتہاپسندانہ ایجنڈے کو آگے بڑھانا ہے۔ آپ ان ہندو قوم پرست تنظیموںکے حقیقی ایجنڈے کا اندازہ اس بات سے لگائیں کہ 27نومبر 2022ء کو گلوبل ہیریٹیج فائونڈیشن نے امریکہ میں چندہ جمع کرنے کیلئے ایک ـ’فنڈ ریزنگ ایونٹ‘ کا انعقاد کیا جس میں کہا گیا کہ بھارتی ریاست تری پورا میں چرچ گرانے اور گھر واپسی کی مہم میں دل کھول کر عطیات دیں۔گزشتہ چند برس کے دوران ان انتہاپسند ہندو تنظیموں نے امریکن فیڈرل فنڈز اور چیرٹی سے 6.7ملین ڈالر سمیٹ لئے۔ 2001ء سے 2019ء تک سنگھ پریوار سے جڑی صرف........

© Daily Jang