رواں سال 29 جون کو IMF اور پاکستان نے 3 ارب ڈالر کے قرضے کا نیا معاہدہ کیا تھا جس میں سے 1.2ارب ڈالر کی پہلی قسط حکومت کو موصول ہوگئی تھی اور 710ملین ڈالر کی دوسری قسط کے جائزے کیلئے 2نومبر کو IMF کی ٹیم نے اسلام آباد میں وزیر خزانہ اور ان کی ٹیم سے مذاکرات کئے۔ گیس سیکٹر کے گردشی قرضے جو مارچ 2023ء تک 1230ارب روپے تھے، بڑھ کر 2700 ارب روپے تک پہنچ چکے ہیں اور IMF نے گردشی قرضوں کو کم کرنے کیلئے گیس کی قیمتوں میں اضافے کا مطالبہ کیا تھا جس سے حکومت کو 666 ارب روپے اضافی ریونیو حاصل ہوگا اور حال ہی میں وفاقی کابینہ نے یکم نومبر سے گھریلو، تجارتی، CNG، سیمنٹ مینوفیکچررز اور صنعتی صارفین کیلئے گیس کی قیمتوں میں 193 فیصد اضافہ کردیا ہے جس سے گیس کمپنیوں SSGC اور SNGC کو 755ارب روپے کا اضافی ریونیو حاصل ہوگا جو گردشی قرضوں کو کم کرے گا۔ یہ بات تشویشناک ہے کہ گزشتہ 10سالوں میں دونوں گیس کمپنیوں کو مجموعی879 ارب روپے کا نقصان ہوچکا ہے جو 10 سال پہلے صرف 18 ارب روپے تھا۔

آئل اینڈ گیس ریگولیٹری اتھارٹی (OGRA) نے SSGC صارفین کیلئے گیس کے نرخوں میں 50 فیصد اور SNGC صارفین کیلئے گیس ٹیرف میں 45 فیصد اضافے کی منظوری دی ہے جو 417.23 روپے فی MMBTU بنتا ہے۔ PDM حکومت کے IMF سے نئے معاہدے کے تحت شہباز شریف حکومت نے گیس نرخوں کو بڑھانا تھا لیکن PDM حکومت نے یہ غیر مقبول فیصلہ نگراں حکومت کیلئے چھوڑ دیا اور بالاخر نگراں حکومت نے گھریلو پروٹیکڈ صارفین کیلئے گیس نرخوں میں 193فیصد، کمرشل صارفین کیلئے 137فیصد اور سیمنٹ مینوفیکچررز کیلئے 193فیصد اضافہ کردیا ہے جبکہ کم سے کم گیس استعمال کرنیوالے 57فیصد گھریلو صارفین کے ٹیرف میں 150فیصد اضافہ کیا گیا ہے اور انکے ماہانہ فکس چارجز 10 روپے سے بڑھاکر........

© Daily Jang