پورے عالمی معاشرے اور اکثریتی تعداد میں حکومتوں نے تسلیم کر لیا ہے کہ اوشن بانڈری سمیت چاروں جانب سے اسرائیل پر ہونیوالی حماس کی سرجیکل اسٹرائیک اور نیتن یاہو کی جوابی علانیہ جنگ میں غزہ کی پوری آبادی پر اسرائیلی فضائیہ کی ایک ماہی تباہ کن آتشی کارپیٹڈ بمباری میں اسرائیل اور اس کے پشت پناہ امریکہ کو عملاً شکست ہو گئی ہے امریکہ اور اسرائیل کی یہ مشترکہ شکست غزہ کی محبوس آبادی کے چار ہزار معصوم شہید بچوں کے بہتے خون سے ہوئی جن کا ایک بڑا فیصد شہید مائوں کے ساتھ قبروں میں چلا گیا اور کم و بیش اتنوں کی لاشیں برباد محبوس شہر کے ملبے میں دبی پڑی ہیں جس وحشیانہ مذہبی جنگی جنون سے نیتن یاہو ممنوعہ وسیع تر ہلاکت خیز گندھک کے آتش گیر بموں سے مسلسل سول آبادی، ہسپتالوں، اسکولوں، اقوام متحدہ کے سہولتی مراکز اور مساجد و چرچوں پر بمباری جاری رکھے ہوئے ہے اس میں عورتوں اور بچوں کی ساڑھے سات ہزار شہادتوں سمیت پبلک سروسز کی فراہمی پر مامور عملہ محفوظ پناہ گاہوں کی تلاش میں نکلے پورے گھرانے اور ہسپتالوں اسکولوں میں پناہ لئے شہری اور میڈیکل سروس اسٹاف اور بکھرے عام شہری شامل ہیں جنکی تعداد گیارہ ہزار تک پہنچ گئی اس سے کہیں زیادہ تعداد میں علاج معالجے سے محروم کرب میں کراہتے زخمی ہیں کئی ہفتوں کے بعد غزہ حتیٰ کہ مصر کی بند سرحد پر پہنچے اجڑے دنیا سے کٹ گئے بارود آگ اور دھماکوں تلے نیم جاں فلسطینیوں پر نیم فاقہ کشی کے بعد قحط کی بلا منڈلا رہی ہے اس سارے ہولناک ماحول میں سخت متنازعہ مذہبی جنونی وزیر اعظم نیتن یاہو فلسطینیوں کی نسل کشی پر عالمی رائے عامہ کی سطح پر تو پوری دنیا میں جنگی مجرم قرار دیا جا رہا ہے اور امریکی صدر بھی اپنی رائے عامہ کی 66فیصد کی آرا میں جرم کے معاون قرار دیئے جا رہے ہیں اس کی بازگشت اور اس امریکی عوامی رائے پر اسرائیل کو اسلحے کی بندش کا مطالبہ زور پکڑ گیا اس سے بڑھ کر اور کیا ہوسکتا ہے کہ اس بحری جہاز کے قریب پہنچ کر بھی سینکڑوں امریکیوں نے احتجاجی مظاہرہ کیا جس پر اسرائیل کو بھیجنے کے لئے اسلحہ لوڈ کر دیا گیا تھا۔

واضح رہے حماس، اسرائیل جنگ کے تناظر میں 10اکتوبر کے آئین نو بعنوان یو این چارٹر کے بقا کی جنگ؟ میں شروع ہوئی حماس، اسرائیل جنگ کے حوالے سے اپنی VISUALIZATION (مستقبل بینی) کا اظہار کیا گیا تھا کہ اس معرکہ........

© Daily Jang