غزہ میں ایک ماہ سے جاری اسرائیلی دہشت گردی اور سفاکانہ حملوں میں 10ہزار سے زائد فلسطینی شہید ہوچکے ہیں جن میں بڑی تعداد خواتین اور معصوم بچوں کی ہے۔ اس دوران امریکہ نے اقوام متحدہ میں حماس اور اسرائیل میں جنگ بندی کی پیش کی گئی قرارداد کو ویٹو کرکے ناکام بنادیا ، جس سے اسرائیل کو فلسطینیوں کی نسل کشی کی کھلی چھوٹ مل گئی ہے۔ غزہ میں اسرائیلی مظالم پر کئی ممالک نے سفارتی اور تجارتی تعلقات منقطع کرکے اپنے سفیروں کو واپس بلالیا ہے جن میں اردن، بحرین، ترکیہ، بولیویا، چلی، کولمبیا، چاڈ اور جنوبی افریقہ جیسے ممالک شامل ہیں لیکن اسرائیل کے ساتھ سفارتی و تجارتی تعلقات رکھنے والے بیشتر اسلامی ممالک نے ابھی تک اس حوالے سے کوئی سنجیدہ ردعمل ظاہر نہیں کیا ، حالانکہ ان اسلامی ممالک کے عوام اسرائیلی مظالم کے خلاف سڑکوں پر نکل آئے ہیں اور اپنی حکومتوں سے اسرائیل سے سفارتی اور تجارتی تعلقات منقطع کرنے کا مطالبہ کررہے ہیں۔یہ بات قابل ذکر ہے کہ اقوام متحدہ کے 192رکن ممالک میں سے 168 کے ساتھ اسرائیل کے سفارتی و تجارتی تعلقات ہیں جبکہ اقوام متحدہ کے 28 رکن ممالک، جن میں پاکستان، کویت، عمان، سعودی عرب اور بنگلہ دیش شامل ہیں، نے اسرائیل کو نہ کبھی تسلیم کیا اور نہ ہی ان کے اسرائیل سے سفارتی تعلقات ہیں۔ یاد رہے کہ حماس، اسرائیل جنگ سے قبل اسرائیل کے وزیر خارجہ ایلی کوہن نے انکشاف کیا تھا کہ بہت جلد سعودی عرب سمیت 6 سے 7 اسلامی ممالک اسرائیل کو تسلیم کرلیں گے۔ ان کا کہنا تھا کہ سعودی عرب کے ساتھ امن مسلم دنیا اور یہودیوں کے درمیان امن کا پیش خیمہ ثابت ہوگا تاہم پاکستان کا شروع سے ہی یہ واضح موقف ہے کہ پاکستان، اسرائیل کو اس وقت تک تسلیم نہیں کرے گا جب تک مسئلہ فلسطین وہاں کے عوام کی امنگوں کے مطابق حل نہیں ہوجاتا۔

اسرائیل کے جن اسلامی ممالک کے ساتھ سفارتی اور تجارتی تعلقات ہیں، حالیہ چند برسوں میں ان اسلامی ممالک کی........

© Daily Jang