مذہب کو طاقت کے حصول کیلئے استعمال کرنے کا سلسلہ صدیوں سے جاری ہے۔عہد وسطیٰ کے یورپ میں چرچ نے یہی کچھ کیا تھا۔صلیبی جنگیںاسی کا اظہار تھیں ۔مذہب کے لبادے میں چھپے ہوئے بدعنوان سیاست دان ،کاروباری حضرات یا فوجی جرنیل زیادہ خطرناک ہوتے ہیں۔طالبان بھی اسی طرح کا ایک بہروپ تھا جو رفتہ رفتہ بے نقاب ہو گیا۔انہوں نے اپنے ذاتی مقاصد کیلئےمذہب کو توڑ مروڑ کر استعمال کیااور دہشت گردی کو فروغ دیا ۔نہ وہ خود پڑھے لکھے ہیں اور نہ علمائے کرام کی بات سننا پسند کرتے ہیں کہ وہ ان کے مقاصد کے مطابق نہیں ہوتی ۔یہی رویہ اسلام میں فتنہ ِخوارج کا تھا۔وہ کہتے تھے دینی معاملات میں انسان کو حاکم بنانا کفر ہے اور جو لوگ ایسے فیصلوں کو تسلیم کرتے ہیں وہ واجب القتل ہیں۔ ان کے نزدیک حضرت علیؓ اور امیر معاویہؓ دونوں کے خلاف جہاد لازم تھا۔ان خوارج کا شمار منافقین میں بھی کیا جاتا ہے کہ وہ لوگ اپنے مقاصد کے حصول کیلئے قرآن حکیم کی غلط تشریح کرتے تھے ۔طالبان کی بھارت کے ساتھ ہمدردیاں دیکھ کربھی یہی احساس ہوتا ہے کہ یہ بھی منافق ہیں یعنی حقیقی خارجی ہیں۔انہیںبھارت سے کوئی مسئلہ نہیں، جہاں مسلمانوں کی نسل کشی ہورہی ہے ۔جہاں روزانہ بے شمار مسلمان عورتوں کی عصمت دری ہوتی ہے۔ وہ گائے کی پوجااور جے شری رام کے نعرے لگانیوالوں کو کھلے دل سے قبول کرتے ہیں،سینےسے لگاتے ہیں ،نریندر مودی کے گن گاتے ہیں جس نے گجرات میں مسلم کش فسادات کرائے تھے۔ شایداس کی وجہ صرف اتنی ہے کہ وہاں سے مال و دولت ِ دنیا ہم سے کہیں زیادہ ملنے لگا ہے۔افغانستان کی اسی تحریک طالبان کی ایک شاخ تحریک طالبان پاکستان بھی ہے۔یعنی یہ پاکستانی طالبان انہی کے بغل بچے ہیں۔یہ دہشت گردانہی سے براہ راست ہدایات اور مدد لیتے ہیں ۔ وہی انہیںٹریننگ دے کر پاکستان دہشت گردی کیلئے بھیجتے ہیں........

© Daily Jang