الحمدللّٰہ! بارش آئی کھل گئے آنکھوں کے روشن طاقچے، لاہور اور پنجاب کے شہر و دیہات پر تنے گرد و غبار کا عذاب ختم۔

قارئین کرام! باغوں بہاروں کے شہر لاہور کا جم پل ہونے کے ناطے غریب القلم کی دو اڑھائی سال خصوصاً چار ماہ سے بڑھتی مایوسی صدمے میں ڈھل گئی تھی، کشمیر و فلسطین کا سوزو ساز، اور اب غزہ پر دجالی غضب، اوپر سے سات آٹھ سال سے ہر آمد سرما پر مہلک غبار کی چادر فضائی آلودگی کا عذاب بن کر پنجاب خصوصاً لاہور شہر پر تن جاتی ہے ۔اس مرتبہ تو آغاز پر ہی آلودگی سے شہر بیمار بن گیا لاہور عالمی آلودگی کے اولین درجے پر آگیا یوں سیاست کی گندگی سے ہونے والی مایوسی اسے عذاب الٰہی کاگماں ہوتےصدمے میں بدلی کہ اصلاح کی صورت نکالنا اور اس پر بات کرنا اور قلم اٹھانا بھی محال ہو گیا کہ خوف کا علاج تو ہو گیا، جب سے حسبنااللہ ونعم الوکیل، کا ورد شروع کیا ہے یقین جانئے ملک کو لپیٹ میں لیتی فسطائیت کے جلد شکست خوردہ ہونے کا یقین اتنا ہی بڑھتا جا رہا ہے جتنی غیر آئینی نگرانوں کی دیدہ دلیری، لیکن کوئی پیر کامل ایسا نہیں مل رہا جومافیا راج (اولیگارکی) کے ’’چھوٹوں‘‘ کی، کمزوروں حتیٰ کہ بچوں اور خواتین شرفا، بزرگوں پر اوئے اوئے کی ابتری سے بھی نجات کا وظیفہ بتائےپاکستان کے مافیا راج کی فنکاری ہے کہ وہ وفا و معاونت سے سرشار ستراسی کے پیٹے کے منشیوں کو بھی اس لیول پر لے آئے ہیںیا وہ خود رضا کارانہ آگئے ہیں کہ صحافت کی آڑ لئے اپنے خوشامدانہ سیاسی ابلاغ میں بھی ’’ووٹ کی عزت‘‘ کو دفن کرکے ووٹر کی عزت پر حملہ آور ہو رہے ہیں۔

یہ آج کی نہیں مافیا راج اور اس کے ’’چھوٹے‘‘ گزرے زمانوں سے چلتی بنتی انسانیت کو نامطلوب طاقتور سیاسی شر کو وسعت اور وقت مافیا راج کے نئے نئے ماڈلز سے ملی جس کی بنیادیں جسمانی طاقت ،بزرگی کے دبدبے، برادری، قبیلے کی وسعت اور دبائو، لائو لشکر اور اسلحہ و وسائل ،علم و ہنر و حکمت کی خرید و فروخت تک بنیں۔ جدید تاریخ میں جب عوام الناس کی اہمیت حیثیت بڑھنے لگی تو روایتی اولیگارکی کی بنیاد کا جو راز بشکل مال و دولت صدیوں پہلے عظیم فلاسفر ارسطو نے پایاتھا آج کی جدید دنیا میں ترقی یافتہ ممالک تک میں اس کی بنیادوں میں اہم ترین........

© Daily Jang