کبھی پنجاب کو سیاسی مدوجزر کا مرکز خیال کیا جاتا تھا مگر اب بلوچستان سیاسی جوار بھاٹا کا محور سمجھاجاتا ہے۔ کراچی میں ایم کیو ایم اور کوئٹہ میں بلوچستان عوامی پارٹی کو میدان سیاست میں مرغان بادنما کی حیثیت حاصل ہے کیونکہ ان کی سمت سے ہوائوں کا رُخ معلوم کیا جا سکتا ہے۔ گزشتہ ہفتے لاہور میں مسلم لیگ (ن) اور ایم کیو ایم کے درمیان اتحاد کا اعلان ہوا جبکہ ا ب میاں نواز شریف نے کوئٹہ پہنچ کر ’’باپ‘‘ کو گود لے لیا ہے۔ شاید آپ سب کو یاد ہو کہ جب مسلم لیگ (ن) زیر عتاب تھی تو تب بھی پراجیکٹ عمران کی کامیابی کیلئے سیاسی بندوبست کا آغاز بلوچستان سے کیا گیا تھا۔ جنوری 2018ء میں مسلم لیگ (ن) کے وزیراعلیٰ ثنااللہ زہر ی کیخلاف عدم اعتماد کی قرار داد لا کر حکومت گرائی گئی۔ مارچ 2018ء میں سینیٹ انتخابات کو سبوتاژ کیا گیا اور پھر 29مارچ 2018ء کو اسٹیبلشمنٹ کے ہیٹ سے اچانک بلوچستان عوامی پارٹی نمودار ہو گئی۔ تب پیپلز پارٹی اور تحریک انصاف ’’باپ‘‘ پر فریفتہ ہوئے جاتی تھیں اور مسلم لیگ (ن) کو جس طرح دیوار سے لگا دیا گیا اس پر کہا جا رہا تھا کہ ’’باپ تو باپ ہوتا ہے‘‘۔ مگر اب ’’باپ‘‘ کی وفاداریاں تبدیل ہو گئی ہیں تو نظر انداز کیے جانے والے سیاسی بچے تلملا رہے ہیں کیونکہ جسے جی ٹی روڈ کی پارٹی کہا جاتا تھا وہ اب تمام صوبوں میں قدم جما رہی ہے۔ بلوچستان کی بات کریں تو یہاں کم از کم 30سیاسی شخصیات نے مسلم لیگ (ن) میں شمولیت کا اعلان کیا ہے۔ لسبیلہ ٹو سے بلوچستان اسمبلی کے سابق رُکن اور سابق وزیر اعلیٰ جام کمال خان اور جعفر آباد سے جہاندیدہ سیاستدان میر جان محمد خان جمالی اب مسلم لیگ (ن) میں شامل ہو چکے ہیں۔ جب 12اکتوبر 1999ء کو جنرل پرویز مشرف نے عنان اقتدار پر قبضہ کیا تو بلوچستان میں مسلم لیگ (ن) کی حکومت تھی اور نور محمد جمالی کے صاحبزادے میر جان محمد جمالی وزیر اعلیٰ تھے۔ جنرل پرویز مشرف کے عہد میں جان محمد جمالی ڈپٹی........

© Daily Jang