(گزشتہ سے پیوستہ )

اورینٹل کالج کی چندماہ کلاسیں گورنمنٹ کالج لاہور کی موجودہ عمارت میں ہوتی رہیں۔ ضرورت تو اس بات کی ہے کہ گورنمنٹ کالج کی انتظامیہ اس حوالے سے یہاں پر بھی کوئی ہسٹری تحریر کرے۔ اورینٹل کالج والوں کو چاہئے کہ وہ بھی اپنی تاریخی عمارت پر اُس حوالے سے کچھ معلومات درج کریں۔گورنمنٹ کالج لاہور کی اس وقت کی انتظامیہ نے کالج کے چند کمرے اورینٹل کالج کی کلاسوں کیلئے مختص کئے تھے ۔

گوروں نے 1928ء میں اورینٹل کالج میں اردو، پنجابی اور ہندی کے اساتذہ مقرر کئے تھے سنسکرت زبان کابہت بڑا خزانہ اورینٹل کالج کے پا س محفوظ ہے ۔1948ء میں ایم اے اردو، ادیب عالم، اور ادیب فاضل کی کلاسیں شروع کر دی گئی تھیں۔ ہمارے ہاں کبھی منشی فاضل کی بھی کلاسیں ہوتی تھیں۔ شائد لاہوریوں کو یقین نہ آئے گا کہ ایک زمانے میں اورینٹل کالج کے طلباء سے فیس نہیں لی جاتی تھی ۔اور پھر عزیزانِ من یہ کیا کمال کا کالج تھا کہ کسی دور میں یہاں پر طب یونانی اور آیو ویدک کی بھی تعلیم دی جاتی تھی اس کالج کا شیرانی ہال بڑا مشہور رہا ،وہاں پر کسی زمانے میں بڑی خوبصورت محفلیں اور مشاعرے بھی ہوتے رہے ہیں۔برصغیر میں مشرقی علوم و فنون کا یہ قدیم ترین ادارہ ہے اس کالج نے دیسی زبانوں کی ہمیشہ حوصلہ افزائی کی۔ افسوس ہمارے ہاں آج اردو زبان کو تعلیمی اداروں اور معاشرے میں اس قدر منزلت کی نگاہ سے نہیں دیکھا جاتا۔ یہ بڑا تاریخی کالج ہے اور اس کالج میں پنج پیرؒ کا ایک مزار ہے جو کالج میں مرکزی دروازے کے ساتھ ہے۔ دلچسپ بات یہ ہے کہ 1912ء تک اورینٹل کالج کی کلاسیں گورنمنٹ کالج ہی کی عمارت کے ایک حصے میں ہوتی رہی ہیں آج سے چند برس قبل جب لاکالج نیو کیمپس منتقل ہوا تو لا کالج کی عمارت بھی اورینٹل کالج کو مل گئی ۔اگر ہم شہر لاہور کا جائزہ لیں تویہ بات سامنے آئے گی کہ لاہور میں سب سے زیادہ علم و ادب ،فن، دانشوروں کا علاقہ بھاٹی دروازہ رہا ہے ۔جس بھاٹی دروازے کو ہم نے اور ہمارے بڑوں نے دیکھا تھا آج........

© Daily Jang