’’یہ نصف صدی کا قصہ ہےدوچاربرس کی بات نہیں‘‘زمانہ طالبعلمی کی بات ہے،آتش جواںتھا 1969میںایوب خان کیخلاف تحریک اپنے عروج پر تھی پورے ملک میں آغا شورش کاشمیری کی شعلہ بیانی کا چرچا تھا ان سے ملاقات کی خواہش شیخ رشید احمد (عوامی مسلم لیگ) اور مجھے لاہور لے آئی میری اور شیخ رشید احمد کی آغا شورش کاشمیری ؒسے 1969ء میں پہلی ملاقات میکلو روڈلاہور میں واقع ہفت روزہ چٹان کے دفتر ہوئی، ہم نے آغاشورش کاشمیری ؒ کولیاقت باغ میں جلسہ عام سے خطاب کی دعوت دی جسے انہوں نےبخوشی قبول کر لیا ۔آغا شورش کا شمیریؒ سے جو تعلق خاص قائم ہو ا وہ ان کی وفات کے بعد نصف صدی گزرنے کے بعد بھی قائم ہے ،ہر سال ان کی یاد مناتے ہیں گو ان کا تعلق مجلس احرار سے تھا اور ہمارا مجلس احرار سے کوئی لینا دینا نہیں تھا لیکن آغا شورش نے جس جرات و استقامت سے ختم نبوت کی وکالت کی ان کا انداز ’’تحریر و خطابت ‘‘ ہمیں انکی طرف کھینچ لایا۔ آغا شورش کاشمیری برصغیرپاک و ہند کے عظیم صحافی ، خطیب اور شاعرتو تھے ہی ، ملک بھر میں ان کی خطابت کا طوطی بولتا تھا،لوگ انکی دلآویز تقریر سننے کیلئے پہروں جلسہ گاہ میں بیٹھے رہتے نصف صدی گزر گئی ہے ان جیسا آتش نوا مقرر پیدا نہیں ہوا ۔آغا شورش کاشمیری کوقیام پاکستان سے قبل لڑکپن ہی میں جیل ہو گئی اور پھر یہ سلسلہ عمر بھر جاری رہا آغا صاحب اکثر کہا کرتے ان کچھ زندگی ریل میں کٹی اور جیل میں گزری ،ان آزمائشوں نے انہیں اس حد تک لاغر و کمزور کر دیا کہ 64سال کی عمر میں وفات پاگئے۔ آغا شور شورش کا شمیریؒ دینی و سیاسی اجتماعات کی رونق تھے بڑے بڑے علما کرام و مشائخ عظام ان کو اپنے جلسوں کی رونق بڑھانے کیلئے مدعو کرنےکیلئے قطار میں کھڑے رہتے تھے، آغا شورش کاشمیری ؒ کی وفات پر مجلس احرار کے قائد مولانا تاج محمد نے ایک بار کہا کہ ’’ مسعود شورش ،مشہود شورش اور مبشر شورش کیلئےان کے عظیم........

© Daily Jang