یہ صرف حساس ادارے کی رپورٹ نہ تھی بلکہ پاکستان کو لوٹنے والے ان تاجروں اور سرکاری افسران کے کالے کرتوتوں کے انکشافات کا مجموعہ تھا ، جنھوں نے پاکستان کو معاشی طو ر پر تباہ کرنے میں کوئی کسر نہیں چھوڑی ۔ میرے سامنے اس وقت افغان ٹرانزٹ ٹریڈ کے ذریعے پاکستان کی معیشت تباہ کرنیوالوں اور انکے طریقہ کار کے حوالے سے ایک تفصیلی رپورٹ موجود تھی جس میں ان تمام طور طریقوں کا ذکر تھا جس سے ملک دشمن تاجر وںاور کرپٹ سرکاری افسران نے پورے ملک کی معیشت کو تباہ کرکے رکھ دیا تھا۔افسوس اس بات کا تھا کہ جو تاجر اور سرکاری افسران افغان ٹرانزٹ ٹریڈ کے نام پر پاکستان کو ہر سال اربوں ڈالر کا نقصان پہنچانے کے ذمہ دار ہیں وہ آج بھی پاکستان کی بوٹیاں نوچنے میں مصروف ہیں وہ آج بھی ہر فورم پر پاکستان کے خلاف باتیں کرتے نظر آتے ہیں کہ پاکستان نے ہمیں دیا ہی کیا ہے ، اس رپورٹ ،جس کا کچھ حصہ قومی اخبارات میں بھی شائع ہوچکا ہے، کے مطابق افغانستان جس کی کل آبادی تقریباََ چار کروڑ کے لگ بھگ ہے اور جہاں سمندری تجارت کا کوئی راستہ موجود نہیں ہے لہٰذا جنگ سے تباہ حال اس ملک کو اپنی ضروریات کی زیادہ تر اشیابیرون ملک سے منگوانا پڑتی ہیں اور کوئی بندرگاہ نہ ہونے کے سبب ان اشیا کی زیادہ تعداد پاکستان کے سمندری راستے سے درآمد کی جاتی ہے جس کے بعد انھیں زمینی راستے سے کراچی کی بندرگاہ سے کنٹینروں کے ذریعے افغانستان تک لے جایا جاتا ہے جبکہ پاکستان بھی عالمی اور دوطرفہ معاہدوں کے تحت اس بات کا پابند ہے کہ افغانستان کیلئے آنے والا تجارتی سامان افغانستان تک پہنچانے میں........

© Daily Jang