میں نے معاشرے کو گرفت میں لینے والے گھٹیا رجحانات اور تباہ کن اثرات پر اکثر قلم اٹھایا ہے جن کی وجہ سے سب تکلیف میں ہیں ۔بدقسمتی سے تباہی کی یہ لہر ابھی تھمی نہیں ۔ ہرروزبربادی کی نت نئی داستانیں رقم ہورہی ہیں ۔ یہ اب انسانی زندگی کے ذاتی پہلوئوں میںجھانکنے اور ان سے جڑی انتہائی تنقیدی اور ذو معنی کہانیاں سامنے لانے والے منفی شغف کی شکل اختیار کرگیا ہے ۔

مجھے امید تھی کہ سماج کا اجتماعی ضمیر ان افسوس ناک واقعات پر بیدار ہوتے ہوئے پہلے انھیں روکنے اور پھر اس منحوس لہر کا رخ پھیرنے کا راستہ نکالے گا۔ لیکن ایسا کچھ نہ ہوا۔ وقت گزرنے کے ساتھ معاشرہ ایسی اتھاہ گہرائیوں میں دھنستا چلا گیا جہاں سچ، اخلاقیات اور انسانی وقارچھپتے پھر رہے ہیں ۔ ان کے ارد گر نفرت، دشمنی اور تعصب کے زہریلے ناگ پھنکار رہے ہیں ۔ مختلف عوامل کے ملنے سے یہ زہریلے پودے تناور درخت بن چکے ہیں ۔ انھوںنے تمام ماحول کو زہرآلود کرتے ہوئے اسے اجتماعیت پذیر اور رواداری کا حامل معاشرہ بننے کے قابل نہیں چھوڑا۔

کسی خود کار طریقے سے یہ نوبت نہیں آئی ہے۔ بہت سے عوامل کی وجہ سے یہ لاوابرسوں سے پک رہا تھا، لیکن اس خوفناک پیش رفت سے نمٹنے کے لیے زبانی بیانات سے بڑھ کر کوئی سنجیدہ توجہ نہیں دی گئی۔ خلاصہ یہ ہے کہ جب ایگزیکٹو اپنے شہریوں کی محرومیوں کے لیے وسائل اور حقوق دونوں کی فراہمی کے حق کو یرغمال بنالیتا ہے، اور اس عمرانی معاہدے کی سراسر خلاف ورزی کرتا ہے جو ریاست اور معاشرے کے درمیان ایک پائیدار بندھن قائم کرنے کا بنیادی چارٹر ہے، تو ان کا باہمی تعلق کمزور پڑ جاتا ہے۔اس کا نتیجہ مایوسی کی صورت نکلتا ہے۔ جب ریاست بھی حکمران اشرافیہ کے ایک مجرم طبقے کی سرپرستی میں مصروف ہو جاتی ہے جو اثاثوں کو بے تحاشا لوٹ کر اور کمزوروں اور غریبوں کے حقوق کو پامال کر کے ترقی کرتا ہے تو یہ مایوسی متعدی مرض کی شکل اختیار کر لیتی ہے جس کا پھیلائو بہت تیز ہوتا ہے۔ ہمارے معاملے میں ریاست نہ صرف اس دغابازی کی مرتکب ہوئی ہے بلکہ........

© Daily Jang