یورپ میں سیاست کی ارتقاء پذیری نے یہ ثابت کیا ہے کہ" ریاست" انسان کی سماجی تخلیق کا اعلیٰ ترین مظہر ہے۔ ایسی ریاست میں سماجی تبدیلی کا سب سے بڑا محرک سیاست ہی ہوتی ہے جو رفتہ رفتہ ریاست اور عوام کے درمیان حائل قوتوں کی بیخ کنی کرتے ہوئے ایک فلاحی ریاست کا تصور ابھارتی ہے اور یوں ریاست ایک حقیقی ماں کا کردار ادا کرنے کے قابل ہو جاتی ہے۔لیکن پاکستان کی موجودہ سیاسی صورتحال سیاسی پارٹیوں کی بے بسی کی عکاسی کرتی ہے کیونکہ ہماری 75 سالہ تاریخ اس امر کی گواہ ہے کہ جس جس سیاسی پارٹی نے بھی مقتدرہ کے خلاف مزاحمت کرنے کی کوشش کی ، اسے نشان عبرت بنادیا گیا۔ایک مشہور حکمران کے بارے میں کہا جاتا ہے کہ انہوںنے اپنے دربار میں ایک اور قاضی مقرر کر دیا جس پر پرانے قاضی نے بادشاہ سے شکایت کی کہ آپ نے نہ صرف نیا قاضی رکھا ہے بلکہ بہت بڑی تنخواہ پر!جس پربادشاہ نے کہاکہ تمہیں نہیں پتا کہ ہم نے صرف اسے ہی نہیں رکھا بلکہ اسکا ضمیر بھی ساتھ خرید لیا ہے۔جس پر پرانے قاضی نے بے ساختہ کہا کہ حضور، میرا ضمیر بھی تو حاضر ہے۔ یہ مثال آج کی بڑی سیاسی پارٹیوں پر مطابقت رکھتی ہے۔یہی وجہ ہے کہ آج ساری بڑی پارٹیاں اسٹیبلشمنٹ کی اشیرباد حاصل کرنے کیلئے اتنی آگے بڑھ گئی ہیں کہ اس سے عوام میں سیاست سے بیگانگی کا تاثر ابھر رہا ہے۔

اس میں کوئی شک نہیں کہ مقتدر حلقوںنے 2011ء سے ہی عمران خان کی سیاسی پرورش کرنا شروع کردی جس کے نتیجے میں نواز شریف پر کیسز بنوائے گئے اور یوں 2018ء میں عمران خان برسر اقتدار آگئے۔2018ء سے لیکر 2022ءتک نوازشریف نے سویلین سپرمیسی اور ووٹ کو عزت دو کے نعرے پر اپنی سیاست کو آگے بڑھایا جس سے پنجاب میں پہلی بار اینٹی اسٹیبلشمنٹ بیانیہ ابھر کر سامنے آیا۔یاد رہے کہ خان عبدالولی خان اور غوث بخش بزنجو کہا کرتے تھے کہ پاکستان میں محکوم قوموں اور مظلوم طبقات کو اس وقت تک حقوق نہیں مل........

© Daily Jang