دیومالائی داستانوں میں طلسمی پرندے ققنس سے منسوب مافوق خوبیوں کے نقش ہمارے دور میں بھی عجیب انداز میں پائے جاتے ہیں :ہر ققنس پانچ سو سال زندہ رہتا ہے، اور ایک وقت میں ہی ایسا ققنس پایا جاتا ہے۔ جب اس کا وقت ختم ہو جاتا ہے تو یہ ایک گھونسلا بناتا اور خود کو آگ لگا لیتا ہے۔ اس کی راکھ سے ایک نیا ققنس ابھرتا ہے۔ سادہ الفاظ میں، یہ خود اذیتی کی داستان ہے جس کے نتیجے میں ایک نئی زندگی جنم لیتی ہے۔ آپ کے تخیلات کی دنیا میں کچھ جنبش ہوئی؟

خود اذیتی عملی نتائج کے بغیر جاری نہیں رہ سکتی۔ یہ غلط سوچ کا نتیجہ ہے جو لا شعوری طور پر، لیکن اکثر ایسا طرز عمل اپنانے والوں کیلئے شدید نقصان کا باعث بنتی ہے۔ پھر بھی ذاتی قربانی کے نتیجے میں نئی زندگی کا وہمہ کہیں نہ کہیں موجود رہتا ہے۔ اس وقت ہم جس جگہ کھڑے ہیں، اسے دیکھ کر مجھے ایسا موقع محل یاد آتا ہے جیسے ہم کسی وسیع و عریض ویرانے میں ہوں اور وہاں سے ایک راستہ گزرتا ہو، لیکن ہم نہیں جانتے کہ یہ کس طرف لے جائیگا۔ یہ پہلی مرتبہ نہیں کہ ہم ایسی صورت حال کا شکار ہوئے ہوں۔ اکثر ہمیں ماضی میں بھی ایسے حالات سے واسطہ پڑتا رہا، پھر بھی ہم نے اس سے کوئی سبق نہیں سیکھا۔

ہمیں ایسے تیز رفتار احتسابی عمل اور انصاف کی ضرورت ہے جو نظام کا لازمی حصہ ہو، اور انکی فعالیت اور ان پر کاربند رہنے کا عزم اس قدر صمیم ہو کہ دولت، عہدہ، طاقت اور اختیار کے باوجود کسی کو استثنیٰ حاصل نہ ہو۔ ترقی کی راہ پر گامزن اقوام اور خود اذیتی کی چکی میں پسنے والی پسماندہ اقوام میں فرق آئین اور قانون کی مکمل پاسداری کا ہے ۔ ہمارا شمار موخر الذکر میں ہوتا ہے۔ تمام تر شواہد اور ارادے بتاتے ہیں کہ ہم بہت دیر سے اسی صف میں ہیں اور اس دلدل سے باہر نکلنے کی کوئی سبیل دکھائی نہیں دیتی۔ درحقیقت یا تو ہم ان مسائل سے بے حس ہیں جو ہمیں گھیرے ہوئے ہیں، یا پھر ہم اس صورتحا ل سے براہ راست یا........

© Daily Jang