پاکستانیو!یقین جانو، آپ کے بزرگوں کے شعور و عزم اورکردار و اخلاص پر عطائے الٰہی ،آپ کی مملکت خداداد کبھی ظلمت میں مکمل غرق نہ ہو گی ۔آج کا پاکستان مکمل ثابت کر رہا ہے۔ اٹل ہے کہ خیر ،شر کی ’’بڑی طاقت ‘‘ کے ساتھ جتنی جڑی ہوئی ہے خیر اتنی ہی محدود بھی ہو لیکن اس کے غلبے کا عزم و جذبہ ا تنا ہی بلند ہو تو بالآخر خیر شر کے غلبے کو دبا کر برپا ہو کر رہتی ہے ۔چونکہ ہر دو (شر وخیر) کا وجود لازم و ملزوم ہے سو خیر کسی بھی جاہل سے جاہل معاشرے میں بھی اپنی ابتری کے غلبے سے بھی کسی نہ کسی درجے پر خیر برآمد کرتی ہے ۔یوں انسانی معاشرہ شر کے کامل غلبے سے بچا رہتا ہے یہ بھی مکمل واضح کے خیرمسائل پہ غلبہ ہے جس کا رجحان اپنی کمزور ترین شکل میں بھی اٹھنے ، بڑھنے اور پھیلنے کی طرف رہتا ہے۔ دنیا میں انسانوںکو تعلیمات و ہدایات احکامات کی تکمیل کے بعد یہ طرزِ دنیا تاقیامت طے ہوگیا غزہ اور کشمیر میں شیطانیت کے غلبے میں نہتے محبوس فلسطینیوں اور کشمیریوں کی مزاحمت جدید دنیا میں حالات و حالت کے حوالے سے اسکا بڑا سکہ بند ثبوت ہے۔ ویسے تو تاریخ اپنے وسیع تر دامن میں اس کی سینکڑوں ہزاروں مثالیں سمیٹے ہوئےہے۔ خود آج کا ابتر پاکستان اپنی 76سالہ تاریخ میں ہم سب اور پوری دنیا کیلئے فلسفہ خیروشر کی ’’بقائے باہمی ‘‘ کا بڑا دلچسپ اور واضح سبق ہے۔ دنیا کا ہر ملک و معاشرہ اسی حقیقت وحیثیت کا حامل، وقت، مقام اور خیر وشر کے درجے اپنے اپنے لیکن پاکستان کا کیس حقیقتاً بہت امتیاز ی ہے اسی سے اسکے مملکت خداداد ہونے کی بار بار اور مزید تصدیق ہوتی ہے۔

اپنی ابتری کی انتہا پر پاکستان میں چراغ سحری بھڑک اٹھا ہے ، گویا صبح صادق کی نوید ہے نئے بال و پر والی نئی نسل کی مطلوب ذہن نشینی (CONSUMPTION) کے لئے لازم ہے کہ چراغ سحری کے کام و کمال کو واضح کیا جائے۔ چراغ کا کام محدود ہے اور نتیجہ کمال اور عظیم تر، یہ اپنی زندگی کے طویل دورانیے میں دھیمے دھیمے جلتے ظلمت(گھپ اندھیرے) کو روکتا ہے۔اپنی پھیلائی مدھم روشنی سے اہل نظر کو اندھا نہیں ہونے دیتا۔ وہ اس میں رکاوٹیں حائل روڑے، پتھردکھا دیتا ہے۔گرنے اور ٹھوکروں سے بچاتا ہے معاشرے کی سطح پر تھوڑے، کمزور، اہل خیر ہر دم اس پر چوکس رہتے........

© Daily Jang