بھیرہ جانے کاا تفاق ہوا ندیم افضل چن سے ملاقات تو نہیں ہوئی مگر ان کی محبتیں وہاں قدم قدم پر ملیں ۔ پیر سید امین الحسنات بھی اسلام آباد تھے مگران کے چاہنے والوں نے مجھے بھی کچھ کم نہیں چاہا۔مجھے وہاں بار بار پیر محمد کرم شاہ یاد آئے ۔ میں جب چودہ سال کا تھا تو وہ ایک روزہمارے گھر آئے تھے ۔دوسری ملاقات ان سے خواب میں ہوئی تھی ۔جس میں ایک تقریب میں انہوں نے مجھے انعام میں قلم عطا کیاتھا۔

میں کافی دیر صدیوں پرانے بھیرے میں پھرتا رہاجہاں سکندر اعظم گھوما کرتا تھا۔مجھے جگہ جگہ محمود غزنوی کے نقش ِ پا بھی دکھائی دئیے ۔مجھے ظہیر الدین بابر کے گھوڑے کی ٹاپوں کی آواز بھی فضا میں سنائی دی۔مجھے یہ سوچ کر اس مٹی کی معجز ہ نمائی کا احساس ہوا کہ یہاں۱نیس سو اٹھارہ کی ایک برکتوں بھری رمضان المبارک کی عشا کے وقت تاجدارِ علم و قلم نے جنم لیا۔جسے دنیا پیر محمد کرم شاہ کے نام سے جانتی ہے ۔میں بھیرہ کے قدیم ریلوے اسٹیشن پر گیا تومجھے انیس سو اکتالیس کی ایک خوشگوار صبح نظر آنے لگی ۔ ایک خوبصورت سا نوجوان بھیرہ ریلوے اسٹیشن سے ریل گاڑی میں سوار ہوا۔ ملکوال سے ہوتا ہوا جب لاہور ریلوے اسٹیشن پر اترا۔توا ورینٹل کالج تک ڈھلتی سہ پہر کی ہر کرن نے آگے بڑھ بڑھ کرقدم چوم لیے۔اور پھر اس نوجوان نے علوم ِعربیہ میں پنجاب بھرمیں پہلی پوزیشن حاصل کی۔لاہور سے مراد آبادکا رختِ سفر باندھا۔جہاں نعیم الدین مراد آبادی نے اسے اپنی آغوشِ علم و حکمت میں سمیٹ لیا۔

پھر ذہن میںمصرلہرا گیا۔ انیس سو اکیاون کا کوئی دن تھا۔قاہرہ میں جامعہ الازہر اپنی بانہیں کھول کرکھڑا تھا،اسی نوجوان کے انتظار میں۔وہاں اسے شیخ ابوالزہرا جیسے عظیم استاد میسر آئے۔ساڑھے تین سال وہاں تعلیم مکمل کرکے واپس........

© Daily Jang