چال ڈھال میں رکھ رکھائو ،بات چیت میں اعتماد ،ہر موضوع پر بات کرنے کی اہلیت ، دنیا بھر میں پاکستان کو مثبت طور پر پیش کرنے کی صلاحیت اور پھر ریاست کے ہر طبقے کیلئے قابل قبول،یہ ہیں پاکستان کے موجودہ نگراں وزیر اعظم انوار الحق کاکڑ ۔ پاکستانی عوام ہوں یا سیاستداں کبھی کسی نے سوچا بھی نہ تھا کہ بلوچستان سے تعلق رکھنے والے انوارالحق کاکڑ پاکستان کے وزیر اعظم تعینات ہوسکیں گے ،حقیقت تو یہ ہے کہ پاکستان کی درجنوں سیاسی جماعتوں کے ہزاروں سیاستدانوں کی سوچ بھی زیادہ سے زیادہ وفاقی وزیر بننے تک رہتی ہے، وزیر اعظم کے عہدے کیلئےچند ہی سیاستداں سوچنے کی سکت رکھتے ہونگے کیونکہ اس عہدے کیلئے اکثر بہت کچھ قربا ن کرنا پڑجاتا ہے ۔تاریخ گواہ ہے کہ شہید لیاقت علی خان ہوں یا ذوالفقار علی بھٹو ، بے نظیر بھٹو ہوں یا میاں نواز شریف اور اب عمران خان یہ وہ تمام لیڈر ہیں جنھوں نے وزارتِ عظمیٰ کا نہ صرف مزہ چکھا بلکہ وزارتِ عظمیٰ کے وہ سائیڈ افیکٹ بھی دیکھےہیں ،جو اس عہدے کی خواہش رکھنے والے ہر فردکیلئے عبرت سے کم نہیں لیکن اس عہدے پر تعینات رہنے والے کئی نگراں وزرائے اعظم خوش نصیب رہے کہ انھیں باعزت طریقے سے عہدہ سنبھالنے اور رخصت ہونے کا موقع ملا۔انوار الحق کاکڑ سیاست میں متحرک رہے ہیں ، بلوچستان کی سابقہ حکومت کے ترجمان بھی رہےاور بطور سینیٹر اپنی ذمہ داریاں نبھاتے رہے ہیں لیکن مجھ سمیت پاکستانی عوام کا بہت بڑا طبقہ قومی سیاست میں ان کے کردار سے بہت زیادہ آشنا نہیں رہا یہی وجہ ہے........

© Daily Jang