عالمی بینک نے خبردار کیا ہے کہ پاکستان اگر روشن مستقبل چاہتا ہے تو اسے ماضی کی ڈگر چھوڑ کر نئی اصلاحات کیلئےمشکل اور ناگزیر فیصلے کرنا ہوں گے۔ فیصلے کی گھڑی آچکی ہے۔ آج اتوار ہے اپنے بیٹوں بیٹیوں پوتوں پوتیوں نواسوں نواسیوں بہوئوں دامادوں سے تبادلۂ خیال کا دن۔ بہتر ہے کہ آپ عالمی بینک کے جاری کردہ پالیسی نکات پر اپنی اولادوں سے بات کریں کیونکہ یہ نکات بینک نے ہمارے مستقبل کیلئے ہی تجویز کیے ہیں۔ یوم انتخاب یعنی 8فروری میں 67 دن رہ گئے ہیں۔ ماضی میں انتخابات سے 3ماہ قبل ہی سرگرمیاں عروج پر ہوتی تھیں۔انتخابی منشور چھپ کر تقسیم ہوتے تھے۔ اخبارات۔ ٹی وی چینلوں پر منشور کے حوالے سے اشتہارت بھی شائع ہونے لگتے تھے۔ پہلے صرف با خبر اور با اثر لوگوں کو پتہ ہوتا تھا کہ اس بار وزارتِ عظمیٰ کی اچکن کس کو ملے گی۔ اب کے عام لوگوں کو بھی عدالتی فیصلوں سے اندازہ ہورہا ہے کہ اب کے شیروانی کون پہننے والا ہے۔

کراچی میں ایئرپورٹ کے راستے میں متحدہ قومی موومنٹ کے تازہ سلے ہوئے پرچم کھمبوں پر آویزاں دیکھے۔ یا پھر جماعت اسلامی کے نئے نویلے جھنڈے۔ لاہور میں شیر کی تصویر کے پرچم لمبے لمبے اونچے کھمبوں کے اوپر۔ اخبارات میں اشتہارات ابھی شروع نہیںہوئے۔ البتہ نگراں حکومت کی طرف سے حج بیت اللہ کے بڑے بڑے اشتہارات کا آغاز ہوگیا ہے۔ نگراں وفاقی وزیر مذہبی امور انیق احمد کے حصّے میں سعادت آرہی ہے کہ گزشتہ سال کے مقابلے میں مہنگائی اگرچہ زیادہ ہے۔ لیکن حج پچھلے سال کی نسبت عام عازمین کیلئے ایک لاکھ روپے کم ہے۔ جب ایئر لائن کے کرائے بڑھ رہے ہیں۔ دیگر لوازمات بھی گراں ہو رہے ہیں۔ انیق صاحب نے سعودی عرب کے متعلقہ وزراء سے مذاکرات کرکے سہولتیں حاصل کرنے کی کوشش کی ہے۔ پھریہ نوید بھی سنائی ہے کہ انڈونیشیا، ملائشیا کی طرح پاکستان کے عازمین بھی اپنی قومی شناخت کے ساتھ خانہ کعبہ میں، میدان عرفات میں، مسجد نبویؐ میں دکھائی دیں گے۔ حرف و دانش سے جس شخصیت کا بھی واسطہ رہا ہے۔ وہ کچھ نہ کچھ تبدیلی ضرور لے کر آتا ہے۔

2024 اسی لیے اہمیت........

© Daily Jang