قارئین کرام! ’’آئین نو‘‘ کی گزشتہ اشاعت بعنوان ’’خلق خدا کو خوشخبری‘ چراغ سحری بھڑک اٹھا‘‘کی اشاعت (2دسمبر 2023) ’’چراغ سحری‘‘ کے خصوصی حوالے سے چراغ کے کام و کمال پر تفصیلی بات ہوئی۔ آج فیڈ بیک پر اس کی مزید وضاحت پاکستان کے حوالے سے کی جارہی ہے۔ متذکرہ اشاعت میں واضح کیا گیا کہ چراغ ،ظلمت (گھپ اندھیرے) میں اپنی دھیمی لَوکے ساتھ خاموشی سے اپنا عظیم کردار کیسے ادا کرتا ہے، کیسے گھٹا ٹوپ اندھیرےکی تاریکی کو اجالے میں تبدیل کرتا ہے۔

یہ (چراغ) اولیگارکی ریاست میں بدمعاشیہ کے تمام کرتوتوں کو ہی VISIBLE (قابل دید) نہیں بناتا، عوام الناس کو رکاوٹوں، ٹھوکروں اور گرنے سے بچانے کی صلاحیت کا حامل بھی ہوتا ہے۔ مافیا راج کی کرپشن، سیاسی و انتظامی کھلواڑ اور ہر ہر عوام دشمن اولیگارکی حربے اور فسطائیت کو مکمل بے نقاب کر دیتا ہے۔ پاکستان جیسی پیچیدہ ریاست میں اولیگارکی کے شرمناک پارلیمانی کھلواڑ سے برآمد16 ماہ کی عذاب مانند مہنگائی سے گھر گھر اور شہر و دیہات و گوٹھ میں چولہے تو ٹھنڈے پڑ گئے، کچن کی گرمی ماند پڑ گئی، لنگر خانوں اور مزاروں کے دیگی تبرک پر ہجوم ہوگئے، لیکن نگرانی فسطائیت کے گھپ اندھیرے میں چراغ تو جلتے رہے اور جل رہے ہیں۔ کیا اب ان ہی چراغوں کی تابانی دیکھی نہیں جا رہی؟ ان ہی چراغوں نے اپنی مدھم لَو اڈیالہ عدالت سے نیب کورٹ، اسلام آبادہائی کورٹ تا سپریم کورٹ، اور لندن سے لاہور اور مینار پاکستان تک ملکی نظام انصاف و انتظام کا پردہ چاک نہیں کردیا۔ اولیگارکی راج کے دفاع کی اس تگ و دو میں کونسا مرحلہ، اقدام اور بدنیتی ہے جو اس مدھم لَو میں پاکستانیوں کو نظر نہ آئی ہو۔ سب کچھ دیکھا گیا اور دیکھا جا رہا ہے۔ ہم تاریکی پھیلانے........

© Daily Jang