ڈائری لکھنے کا شوق تو بچپن سے تھا مگر زندگی کے جھمیلے بڑھتے گئے تو یہ عادت چھوٹتی چلی گئی ۔البتہ اب بھی کوئی دل موہ لینے والی بات نظر آئے توصفحہ قرطاس پر منتقل کر لیتا ہوں ۔آج اپنی ڈائری کے چند اوراق آپ کی خدمت میں پیش کرنا چاہتا ہوں آئرش قائد اور مفکر ایڈ منڈ برک کا یہ قول اپنے اندر الفاظ و معنی کا ٹھاٹھیں مارتا سمندر سمیٹے ہوئے ہے :’’شر اس لئے کامیاب ہے کہ اچھے لوگ کچھ نہیں کرتے‘‘

چارلس اور جان ویسلے کی والدہ سوسانا ویسلے گناہ کے بارے میں اپنی سوچ بیان کرتی ہیں :’’جو چیز آپ کے استدلال کو کمزور کر دے ۔آپ کے ضمیر کی ملائمت کو بگاڑ دے ،خدا کے بارے میں آپ کے فہم کو دھندلا دے ،روحانیت سے آپ کی رغبت ختم کر دے یا پھر ایسی کوئی بھی چیز جو آپ کے جسم کو ذہن پر غالب کر دے،وہ آپ کے لئے گناہ ہے چاہے یہ اپنے آپ میں کتنی ہی معصوم کیوں نہ ہو‘‘برطانیہ کی آئرن لیڈی مارگریٹ تھیچر کے خیال میں عورت مرد کے مقابلے میں کہیں زیادہ طاقتور ہے ’’طاقتور ہونا ایسے ہی ہے جیسے ایک خاتون ہونا ۔اگر آپ کو اپنے بارے میں لوگوں کو بتانا پڑے کہ آپ کون ہیں تو اس کا مطلب ہے آپ کچھ بھی نہیں ۔‘‘مدر ٹریسا کہتی ہیں ’’خاموشی کا ثمر عبادت ،عبادت کا ثمر ایمان ،ایمان کا ثمر محبت ،محبت کا ثمر خدمت اور خدمت کا ثمر سکون ہے۔‘‘ایک اور جگہ زندگی بسر کرنے کا فلسفہ ان خوبصورت الفاظ میں بیان کیا ہے:’’لوگ اکثر غیر معقول ،بددیانت اور خودپسند ہوتے ہیں ،انہیں بہر طور معاف کر دیا کریں ۔اگر آپ رحمدل ہیں تو لوگ ناجائز فائدہ اٹھائیں گے مگر آپ رحمدل ہی رہیں ۔اگر آپ کامیاب ہیں تو کچھ غلط دوست بھی مل جائیں گے اور کچھ اچھے دوست بھی۔آپ بہر حال آگے بڑھتے رہیں ۔اگر آپ دیانت دار اور صاف گو ہیں تو لوگ آپ کو دھوکہ بھی دیں گے مگر آپ دیانت اور صاف گوئی کا دامن ہاتھ سے نہ چھوڑیں ۔جو کچھ آپ نے برسہا برس میں تعمیر کیا ،اسے کوئی........

© Daily Jang