پاکستان کو بروقت اور شفاف انتخابات ہی دلدل سے نکال سکتے ہیں جس کے لیے الیکشن کمیشن آف پاکستان کا کردار اہم ہے۔ اس حوالے سے ای سی پی کی طرف سے ایک ا ہم بات یہ سامنے آئی ہے کہ فروری کے عام انتخابات میں کسی بھی ممکنہ تاخیر کی تمام باتوں کو ادارے نے مسترد کردیا ہے کیوں کہ چند دنوں سے انتخابات میں تاخیر کی افواہوں کی خبریں زور پکڑ رہی تھیں۔ انتخابات میں صرف دو ماہ باقی رہ گئے ہیں، یہ وہ وقت ہے جب ہر طرح کی قیاس آرائیوںسے پانی کا گدلا ہونا فطری ہے۔ لیکن چونکہ کچھ میڈیا ہاؤسز بھی تاخیر کے بارے میں قیاس آرائی کرتے نظر آئے ہیں اورکچھ صحافی حضرات نے اپنے یوٹیوب چینلز پر اس بات کا اشارہ دیا ہے کہ انتخابات ملتوی ہوتے نظر آرہے ہیں، جسے ای سی پی نے مسترد کرتے ہوئے ان ٹی وی چینلز کے خلاف قدم اٹھانے کا بھی عندیہ دیا ہے۔ ای سی پی نے بغیر کسی ثبوت کے گمراہ کن رپورٹس پھیلانے والے چینلز اور صحافیوں کے خلاف ضروری کارروائی کیلئے پیمرا (پاکستان الیکٹرانک میڈیا ریگولیٹری اتھارٹی)سے رجوع کرنے کا بھی فیصلہ کیا ہے۔ اور، ہائی وولٹیج سوشل میڈیا چینلز کی غیر معمولی رسائی کے پیش نظر، بہت ساری جعلی خبروں کو مستند معلومات کے طور پر قبول کیا جاتا ہے اور اس کا پرچار کیا جاتا ہے اس سے پہلے کہ معتبر حکام ریکارڈ کو درست کرنے میں کامیاب ہو جائیں، جس سے ایک بے چینی جنم لیتی ہے، اوربعض اوقات تو ان خبروں سے پاکستان کی معیشت بھی ہچکولےکھانا شروع ہوجاتی ہے۔افسوس کہ کم از کم پچھلے کچھ سال سے یہی رجحان غالب رہا ہے۔ لہٰذا، امید ہے کہ،........

© Daily Jang