جنوری 2023ء سے پنجاب میں نگران حکومت قائم ہے اور محسن نقوی اس نگران حکومت کی سربراہی کر رہے ہیں۔ آپ پنجاب پولیس کے ایک دبنگ ایس ایس پی، جناب اشرف مارتھ مرحوم کے داماد اور ہمارے دوست چوہدری سالک حسین کے ہم زلف ہیں۔ گزشتہ ایک سال کے دوران انہوں نے حیرت انگیز طور پر خود کو ایک فعال، بیدار مغز اور متحرک سربراہ حکومت کے طور پر پیش کر کے ثابت کیا ہے کہ وہ اس وقت پاکستان میں موجود نگران سیٹ اپ کی سب سے فعال شخصیت ہیں۔ انہوں نے بہت تھوڑے وقت میں لاہور میں کئی منصوبے اتنی تیزی سے مکمل کئے ہیں کہ لوگ انہیں واقعتاً ’’محسن سپیڈ ‘‘ کہنا شروع ہو گئے ہیں۔ پاکستان کا سب سے بڑا صوبہ جو میاں شہباز شریف کا متاثر کن اور عثمان بزدار کا مایوس کن طرز حکومت دیکھ چکا ہے وہاں محسن نقوی نے کچھ اس انداز میں کام کیا ہے کہ اب لوگ شہباز شریف کا طرز حکومت بھی بھولتے جا رہے ہیں۔ افسر شاہی میں نہ تو کوئی انکا لاڈلا ہے اور نہ ہی کوئی انکے زیر عتاب۔ انہوں نے نظام حکومت چلانے کیلئے نہ تو کسی احد چیمہ پر بھروسہ کیا نہ کسی فواد حسن فواد کی انگلی پکڑی بلکہ محض اپنی ذاتی صلاحیتوں کی بنیاد پر پنجاب کا بالعموم اور لاہور کا بالخصوص چہرہ ہی تبدیل کر دیا۔ وہ میاں شہباز شریف کے انداز حکمرانی سے کچھ اس طرح بھی مختلف ہیں کہ نہ تو افسر شاہی ان سے نالاں ہے اور نہ ہی کسی افسر کی عزت نفس مجروح ہوتی ہے۔ انہوں نے اپنے دور حکومت میں چیف سیکرٹری اور آئی جی پنجاب سے ملکر خالص میرٹ کی بنیاد پر ایک ٹیم تشکیل دی ہے جس میں ترقی اور تنزلی کا معیار صرف کارکردگی ہے۔ اگرچہ وہ خود میڈیا کے بندے ہیں اور صحافتی برادری سے تعلق رکھتے ہیں لیکن اسکے باوجود انہوں نے اپنے ترقیاتی کاموں کی تشہیر کیلئے کبھی میڈیا کا سہارا نہیں لیا بلکہ وہ اس فارمولے پر یقین رکھتے ہیں کہ ’’کام خود بولتے ہیں‘‘۔ دنیا میں اس وقت دو افراد ایسے ہیں جنہوں نے میئر........

© Daily Jang