23 شہادتیں اس بات کی گواہ ہیں کہ پاک فوج دہشت گردی کے خلاف جنگ سے مسلسل نبرد آزما ہے ۔وہ جنگ جو ہم پاکستانی ایک طویل عرصہ سے لڑ رہے ہیں ۔ جس میں بے شمار قربانیاں دے چکے ہیں جس میں ہزاروں شہید ہوچکے ہیں ،لاکھوں زخمی ہوچکے ہیں۔اربوں کی املاک تباہ ہوچکی ہے، بربادی کا کل تخمیہ لگایا جائے تو بات کھربوں تک پہنچ جاتی ہے ۔اور اب توقربانیاں دینے والوں کی دوسری نسل بھی جوان ہو چکی ہے۔اب جب بھی کوئی نئی شہادت ہوتی ہے تووہ سوالیہ نظروں سے ہماری طرف دیکھتے ہیں ، مگر ہمارے پاس کوئی جواب نہیں ہوتا۔اس وقت پھر دہشت گردی میں تیزی آئی ہوئی ہے،پھرہمارے جوان شہید ہورہے ہیں شہیدوں کے گھروں میں آتے ہوئے پر چموں میں لپٹے ہوئے تابوت بستیوں کی بستیوں کو سوگوار کر دیتے ہیں ۔بے شمار شہیدوں کے گھر والوں کے سوئے ہوئے زخم پھر بیدار ہو جاتے ہیں ۔ہم سب کو اپنے اپنے شہید یاد آنے لگتے ہیں۔

اس وقت کچھ لوگ ان شہیدوں کی میتوں پر سیاست کرنا چاہ رہے ہیں ۔ جو بہت تکلیف دہ بات ہے ۔ طرح طرح کے تجزیے کیے جارہے ہیں ۔ابھی کچھ تجزیہ کار کہہ رہے تھے کہ الیکشن کو ملتوی کرانے کیلئے یہ دہشت گردی ہورہی ہے ۔کچھ لوگ اس کا الزام پی ٹی آئی پر لگا رہے تھے ۔ کچھ لوگ نون لیگ پر کہ اس وقت نون لیگ کی ہوا ٹھیک نہیں بن پارہی ۔اسے تمام تر کوششوں کے باوجودستر اسی سیٹیں بمشکل حاصل ہو نگی۔پی ٹی آئی پر الزام اس لئے ہے کہ پی ٹی آئی کے افغان طالبان کے ساتھ اچھے مراسم ہیں ۔ پاکستان طالبان بھی پی ٹی آئی کے حق میں ہیں ۔ خان کے دور میں طالبان نے اپنی سر گرمیاں معطل کردی تھیں ۔انکے دورحکومت میں نہ ہونے کے برابر دہشت گردی ہوئی ۔خان کے طالبان کے حق میں بیان کی وجہ سے خان کے مخالفین نےتوخان کوطالبان خان کہناشروع کردیا تھا۔

طالبان کا پوائنٹ آف ویو موجودہ دہشت گردی کے تناظر میں کیا ہے اس سے متعلق تو میں کچھ نہیں کہہ سکتا کیونکہ کوئی........

© Daily Jang