دنیائے سیاست کی بہار، انتخابی مہم بہت دیر میں آتی ہے، جن ملکوں میں حکومتیں انتخابی عمل سے تشکیل پاتی ہیں ،کسی میں 4سال اور ایٹ لارج اقتدار کی مدت پانچ سال ہوتی ہے تو اس کے اختتام سے تین چار ماہ قبل انتخابی مہم کا آغاز ہو جاتا ہے۔ ویسے تو ان ممالک میں حکومت کے آخری سال کو الیکشن ایئر پکارا جاتا ہے اور الیکشن میں حصہ لینے والی جماعتیں ہوم ورک بشکل منشور سازی، مخصوص پروگرامز کی تشکیل اور انتخابی مہم کی منصوبہ بندی اور حکمت ہائے عملی پر کام شروع کر دیتی ہیں۔بھارت تو اپنے رقبے آبادی اور صحت مند سیاسی عمل میں اتنا آگے ہے کہ یہاں ضمنی انتخابات سےکہیں نہ کہیں بہار آتی ہی رہتی ہے ۔پاکستان، جس کا سیاسی عمل سدا سے بیمار ہی چلا آ رہا ہے ،میں بھی مارشل لا لگے یا کمزور سول حکومت اپوزیشن اور عوام کو بمشکل ہضم ہو کر مدت پوری کر رہی ہو یہ جماعتی الیکشن سے آئی ہو یا سول ملٹری مکس رجیم سے برآمد ہو یہاں الیکشن سپرنگ تو کبھی نہیں ٹلتی ،ایوبی مارشل لا کے نفاذ کے تین چار سال بعد ہی ملک میں فرد واحد کے آئین نے بھی صدارتی نظام اور بی ڈی سسٹم کو جنم دیا تھا سو ہر دو کی الیکشن سپرنگ دونوں صوبوں میں ہزار میل کی دوری کے باوجود ملک گیر ہی ہوتی تھی، رونق اور سیاسی میلوں ٹھیلوں کی ہلچل بڑے شہروں سے دور افتادہ دیہات تک پاکستان میں اپنا ر نگ دکھاتی رہی۔ ضیائی مارشل لا میں غیر جماعتی اور لوکل باڈیز الیکشن نے بھی عوام اور ووٹروں میں انتخابی مستی خوب بانٹی اور سیاست اپنے وقت کے رنگ کا جلوہ دکھائی رہی ،پی پی کے کچھ کارکنوں کو کوڑے پڑے تو ایم آر ڈی تحریک برآمد ہو گئی جس سے پیپلز پارٹی کو گلوکوز لگا اور وہ بحال ہو گئی،ہوئی تو غیر جماعتی انتخابات پھوٹ آئے اور الیکشن ا سپرنگ میں جونیجو لیگ کھل کھلا کر نکل آئی۔ مشرف کو چیف مارشل لا کا ٹائٹل خود بھی ہضم نہ ہوا تو انہوں نے خود ہی ملک بھر کا چیف ایگزیکٹو پھر صدر بن کر، قابل تحسین و تعریف اور ناقابل واپسی لوکل گورنمنٹ سسٹم ق لیگ متعارف کرا کر بھرپور بہاراں کا انتظام کیا ۔ن لیگی قیادت کو........

© Daily Jang