حال ہی میں امریکہ کی ہائوس کمیٹی برائے خارجہ امور کی رپورٹ میں انکشاف کیا گیا ہے کہ افغان حکومت ،تحریک طالبان پاکستان کو مسلح کر رہی ہے ،اس رپورٹ کے مندر جات سے اتفاق کرنا یا نہ کرنا الگ بات ہے ،تاہم اسے دشمن کی اڑائی ہوئی بات سمجھ کر نظر انداز کر دینا بھی مناسب نہیں۔ رپورٹ میں کہا گیا ہے کہ افغانستان سے انخلا کے وقت چھوڑے گئے امریکی ہتھیار طالبان حکومت کی نگرانی میں آگئے جس کے بعد یہ جدید ہتھیار پاکستان مخالف عسکریت پسندوں کے ہاتھوں تک پہنچ گئے ۔رپورٹ کے مطابق ان ہتھیاروں نے ٹی ٹی پی اور بلوچ علیحدگی پسندوں کو عسکری طور پر مضبوط کیاہے۔امریکی امور خارجہ کمیٹی کے چیئر مین نے یہ انکشاف بھی کیا ہے کہ افغان انتظامیہ پاکستان مخالف گروہوں کو مسلح کرنے میں پوری طرح ملوث ہے ۔ رپورٹ میں اس بات کا اعتراف کیا گیا تھا کہ امریکی انخلاکے وقت لگ بھگ 7ارب ڈالر مالیت کا اسلحہ افغانستان میں رہ گیا تھا جبکہ امریکہ نے افغان فوج کو 4لاکھ سے زائد ہتھیار فراہم کئے تھے جن میں سے3لاکھ کے قریب انخلا کے وقت افغانستان میں ہی رہ گئے ۔ طالبان انتظامیہ کی کھلی چھوٹ کے باعث ٹی ٹی پی کو ملنے والے ہتھیار وں میں جدید امریکی ہتھیار شامل ہیں ۔ ان ہتھیاروں کے ذریعے ٹی ٹی پی نے لکی مروت ، پشاور ،بنوں،ڈیرہ اسماعیل خان سمیت ملک کے کئی شہروں میں دہشت گردی کی کارروائیاں کیں اور سیکورٹی اہلکاروں کو نشانہ بنایا جس کی تازہ مثال ڈیرہ اسماعیل خان کا حالیہ خودکش حملہ ہے ،ڈیرہ اسماعیل خان میں سیکورٹی فورسز کے مختلف انٹیلی جنس ہیڈ آپریشن کے دوران 27دہشتگرد مارے گئے ،جبکہ سیکورٹی فورسز کی چوکی پر حملے ،خود کش دھماکہ اور فائرنگ کے نتیجے میں پاک فوج کے 25جوان شہید ہو گئے ۔کارروائیوں کے دوران اسلحہ،گولہ باروداور دھماکہ خیز مواد بھی برآمد کیا گیا ۔خود کش حملہ کی ذمہ داری تحریک جہاد نے قبول کر لی ۔پاکستان........

© Daily Jang