میں نے پچھلے دنوں ایک نظم لکھی تھی’’سارے اہل قلم سپاہی ہیں‘‘قصہ اتنا ہے کہ ا یسے موسم میں ہم جیسے شاعرزلف و لب ورخسار کے قصیدے نہیں گا سکتے۔یہ کیسے ممکن ہے کہ شاعر جس گھر جس گاؤں جس شہر جس ملک میں رہتا ہو۔ اس کے دکھوں پررنگ و خوشبو کے نغمے الاپنے لگے۔شاعر تو خیر بڑے حساس لوگ ہوتے ہیں۔ وطن سے محبت ان کی طبیعت کا جزو ہوتی ہے وہ ہمیشہ زمین کے ساتھ اپنا رشتہ استوار رکھتے ہیں۔اپنی مٹی سے پیارکرتے ہیں۔ روسی ادیب شولوخوف نے ادب کے نوبل پرائزکی تقریب میں کتنی خوبصورت بات کہی تھی۔ ”انسانی برادری صرف ایسے اکیلگی میں رچے بسے افراد کا مجموعہ نہیں جو کا سمو ناٹس کی طرح کشش ثقل سے دور بے وزنی کی حالت میں خلامیں تیرتے پھرتے ہیں ہم ادیب زمین سے جڑے ہوئے ہیں اور ہمیں جو بھی لکھنا ہے انسانی ترقی، انسانی ہمدردی اور انسانی جمال کیلئے لکھنا ہے۔‘‘

بلاشبہ اپنی زمین سے جڑ کر اپنے ہم وطنوں کی نجات کیلئے لکھنا اور انکے خون میں اپنا خون شامل کرنا ہی ادب ہے، بھوکے آدمی کا پیٹ دیوان غالب سے بھرتا ہے نہ بال جبریل سے۔ اسے تو روٹی چاہئے اور سب کو پر سکون روٹی تب ہی مل سکتی ہے۔ جب ملک خوشحال ہو اور ملک میں چلنے والا نظام ِحکومت درست ہو۔

وطن کی محبت انسانی خمیر میں شامل ہوتی ہے۔ وطن کی محبت کا ایک اندازہ اسی سے لگایا جاسکتا ہے کہ دنیا کے ہر ملک کا باشندہ یہی سمجھتا ہے کہ میرا ملک، صحیح یا غلط اس کیلئے دنیاسے لڑنا میرے اوپر فرض ہے۔شاعر تو پھر شاعر ہے۔یہ نہیں ہوسکتا کہ کوئی دوسرا ملک اس کے وطن کیخلاف جارحیت کامرتکب ہو، اسکی آزادی کے درپے ہو اور وہ تڑپ نہ اٹھے۔ یہاں اس کی سائیکی بھی اس کی تائید کرتی ہے اگر وہ زیادہ باہمت........

© Daily Jang