سیاسی مبصرین کا خیال ہے کہ پاکستان کی سیاست، تاریخی منطق سے مسلسل عاری رہی ہےکیونکہ آج دنیا میں مطلق العنانیت اور ہائبریڈ نظام کی بالادستی کا دور ختم ہو چکا ہے اور اس کے مقابلے میں مظلوم طبقات کے حقوق، جمہوری اقدار، سیکولر ازم اور ماحولیات کا رجحان بڑھ رہا ہے۔ صرف وہی ملک ترقی کر رہے ہیں جو ان جمہوری روایات پر گامزن ہیں۔ اس کے مقابلے میں ہمارے ہاں جب سے نگران حکومت آئی ہے، کسی نہ کسی طرح انتخابات کے انعقاد کے بارے میں کنفیوژن پھیل رہی تھی، جس کو بالآخر سپریم کورٹ کے فیصلے اور الیکشن کمیشن کے شیڈول جاری ہونے کے بعد ختم ہو جا نا چاہئے۔ حالانکہ آج سے دو ماہ قبل سپریم کورٹ نے واضح طورپر تمام فریقین کو سن کر 8فروری کو انتخابات کرانے کا فیصلہ دیا تھا اور اس فیصلے میں سپریم کورٹ کے چیف جسٹس نے واضح طور پر کہا تھا کہ الیکشن کے بارے میں کوئی تنازعات پیدا نہیں ہونے چاہئیں اور کوئی میڈیا ہاؤس ایسی خبریں شائع نہ کرے جس سے انتخابات کے انعقاد کے حوالےسے کوئی کنفیوژن پیدا ہو۔اگرچہ سپریم کورٹ نے انتہائی اہم فیصلہ کیا تھا لیکن اسکے باوجود بعض مبصرین اور تبصرہ نگار انتخابات کے انعقاد پرمسلسل شک و شبہ کا اظہار کرتے رہے ہیں اور اسکے جواز کے طور پرپنجاب اور کے پی میں پی ٹی آئی کی بڑھتی ہوئی مقبولیت،مولانا فضل الرحمان کے بیانات اوربڑھتی ہوئی دہشت گردی بتائی جاتی ہے۔پاکستان کی سیاسی تاریخ بتاتی ہے کہ جب بھی الیکشن کا وقت آتا ہے ، تو کچھ نادیدہ عناصر کنفیوژن پیدا کرنے کی کوشش کرتے ہیں تاکہ عوام کی انتخابات میں دلچسپی کم ہو جائے اور یوں ایک کمزور حکومت قائم ہو۔یہ بھی دیکھا گیا ہے کہ کسی ایک پارٹی کی طرف سے ان انتخابات کی شفافیت پر الزام لگا کر مستقبل میں آنیوالی حکومت کو کمزور کرنے کے ساتھ ساتھ سیاست کو بھی زوال پذیر روایات سے مزین کیا جاتا رہا ہے۔یاد رہے کہ اس سے........

© Daily Jang