پچھلا کالم متناسب نمائندگی کے حوالے سے لکھا گیا، اس پر نہ صرف پاکستان بلکہ دنیا بھر سے تبصرے موصول ہوئے مگر مجھے زیادہ حیرت اس وقت ہوئی جب میں نے سول سوسائٹی، سیاسی کارکنوں اور مقتدرہ کی کچھ شخصیات کے تبصرے متناسب نمائندگی کے حق میں دیکھے، مزید حیرت اس وقت ہوئی جب مجھے کچھ تبصرے پاکستان کی سب سے زیادہ مقبول اور زیر عتاب پارٹی کی طرف سے موصول ہوئے، اس کا مطلب یہ ہوا کہ پاکستانیوں کی اکثریت کو یہ آئیڈیا پسند آیا۔ اس پسندیدگی کی بڑی وجہ یہ ہو سکتی ہے کہ پاکستان میں برس ہا برس سے اقلیت، اکثریت پر حکومت کر رہی ہے، ملک میں اکثریتی طبقات اقتدار سے محروم چلے آ رہے ہیں اور اقتدار میں شریک لوگ ایک فیصد سےبھی کہیں کم ہیں۔ جس ملک میں اکثریت کو اقتدار کی راہداریوں سے دور رکھا جائے وہاں سماجی اور قومی سطح پر ترقی، دیوانے کا خواب بن کر رہ جاتی ہے۔ ایسی صورتحال میں اقلیت ملکی وسائل پر قابض ہو کر عوامی اکثریت کی بَھلائی بھول جاتی ہے، ہمارے سیاستدان عوامی بَھلائی سے زیادہ ذاتی مفادات کیلئے سیاست کرتے ہیں، اسی لئے سننے کو ملتا ہے کہ ملک میں مافیاز کا راج ہے۔اس کی بڑی وجہ یہ بھی ہو سکتی ہے کہ ہمارے ہاں ناانصافی کا نظام ہے، نا انصافی کے یہ ثمرات شہروں اور دیہات میں اتر آئے ہیں، کبھی کسی نے لاہور شہر کے پولیس سربراہ سے پوچھا کہ تمہارے شہر سے اس مہینے کتنی گاڑیاں چوری ہوئی ہیں، کتنے موبائل اور پرس چھینے گئے ، کچھ افراد قتل بھی کر دیے گئے، آخر ایسا کیوں ہوا؟ جس کی گاڑی یا موبائل چھینا گیا وہ تو محروم ہو گیا مگر جو رکھوالی پر تھا اسے کوئی سزا ہی نہیں دی گئی، ہونا تو یہ چاہئے کہ ماہانہ جرائم کی پاداش میں ہر شہر کے پولیس سربراہ کو........

© Daily Jang