قوم کو معلوم ہو چکا ہے کہ وہ کون تھا ،جس نے ملک سے کرپشن ختم کرنے کا نعرہ لگایا لیکن اس کے برعکس اس کے دور حکومت میں ملک کرپشن کی عالمی درجہ بندی کے مطابق مزید تنزلی کا شکار ہوا۔ وہ کون تھا جس نے جنرل باجوہ کو پاکستان کی تاریخ کا سب سے بڑا جمہوریت پسند جنرل قرار دیا اور بعد میں اسی جنرل باجوہ پراپنی حکومت گرانے کا الزام لگایا۔ وہ کون تھا جس نے ذاتی فوائد کیلئے برطانیہ میں ضبط شدہ 60ارب روپے جو حکومت پاکستان کی ملکیت تھے ایک شخصیت کے حوالے کئے اور ذاتی مفادات حاصل کئے۔ وہ کون تھاجس نےاخلاقی اور سماجی طورپر ملک کو بدترین نقصان پہنچایا۔ وہ کون تھا جس نے ملک کو معاشی طور پر دلدل میں پھنسایا۔ وہ کون تھا جس نے قوم کو تقسیم اور گمراہ کیا۔ وہ کون تھا جس نے تمام صوبوں میں کٹھ پتلی اور نکمے وزرائے اعلیٰ محض اسلئے لگائے کہ وہ اس کے اشاروں پر چلیں اور ان کے ذریعے من پسند اقدامات کروا کر مفادات حاصل کرے، نتیجتاً گورننس کو تباہ کیا گیا۔

وہ کون تھا جس نے اپنی نااہلی اور ناکامیوں کو چھپانےکیلئےسائفر اور امریکی سازش کا ڈرامہ رچایا۔ اور جب وہ جھوٹ سامنے آیا تو پھر اس ڈرامے کے کردار بدحواسی میں تبدیل کرتا رہا۔ وہ کون تھا جو کہتے نہیں تھکتا تھا کہ اس کی حکومت اور فوج ایک صفحے پر ہیں لیکن بعد میں نہ صرف اسی فوج کو داغدار کرنے کی ناکام کوششیں کیں بلکہ فوجی تنصیبات اور فوج کے شہدا کی یادگاروں کی بے حرمتی بھی کرائی۔ وہ کون محسن کش تھا جس کی حکومت بنانےکیلئے جہانگیر ترین کے جہاز میں لوٹے بھر کر لائے گئے اور پھر اسی جہانگیر ترین کو قربان کیا۔ وہ کون احسان فراموش تھا جس نے جہانگیر ترین، علیم خان اور جنرل باجوہ کے احسانات کا بدلہ بدترین الزامات کی صورت میں دیا۔ وہ کون تھا جس کو جسٹس شوکت صدیقی کے ہٹائے جانے کا سب سے زیادہ فائدہ........

© Daily Jang