قارئین کرام ! وطن عزیز گزشتہ دو سال سے جس نوعیت کی اور جتنی ابتری میں مبتلا ہے اس نے ہماری مجموعی گورننس کے گرتے معیار خصوصاً نظام انصاف و احتساب کو دنیا میں تماشہ بنا دیا ہے ۔عالمی معاشرے کا باشعور باعلم بیدار طبقہ ایٹمی پاکستان میں بڑی بڑی کامیابیوں کے بعد اسکے تیز تر ریورس ہونے پر حیران ہے اور ہمارےسچے دوست اس صورتحال پر پریشان۔ بہت تجزیے و تحقیق ہو گئی مزید کی ضرورت نہیں نہ کج بحثی کی۔ ہماری زبوں حالی اور جاری صورتحال نمونے کے طور پر مکمل عیاں و بے نقاب ہے، اب ہمارا برا اور بدتر عوام اور دنیا کی نظروں میں اتنا اور ایسا ہی ہے جو یہ حقیقت میں ہے، یہ بھی کہ آمریتوں کی کوکھ سے جنم لینے والی ہماری سیاسی و پارلیمانی نااہل، عوام سے لاپروا اور قومی سے کہیں زیادہ طبقاتی اور گروہی ذہنیت رکھنے والی ،بااختیار قوتیں ہی عشروں سے آئین شکنی اور قانون کے دوہرے نفاذ کی ذمے دار ہیں، جسکے نتیجے میں حاصل ملکی سیاسی و اقتصادی اور سماجی تباہی ہوئی آج یہی خودسر طبقہ ملکی وسائل اور ناجائز اختیارات کے زور پر خودبالائی طبقے میں تبدیل ہو کر طاقتور اولیگارکی (مافیہ راج) میں تبدیل ہو چکا ہے ۔

غور تو فرمائیں! حکومت کی باری ملنے پر اس کی اپوزیشن فرینڈلی ہوتی ہے عوام کی تائیدو طاقت سے اگر کوئی ملکی قومی اور عوامی سوچ کی حامل ملک گیر کوئی پارلیمانی قوت پیدا ہو بھی جائے تو اس کے ساتھ وہی سلوک اور رویہ اختیار کیا جاتا ہے جو الیکشن شیڈول کا اعلان ہونے پر بھی آج کی واضح اصل اور بڑی پارلیمانی طاقت کو دیوار سے لگانے کی ہر ممکنہ کوشش سے عیاں ہے، عوام کی ’’ناروا جمہوری مزاحمت ‘‘ کا مقابلہ سیاسی مافیہ، ریاستی اداروں کے جاری کھیل اور ان پر اپنے اثر ونفود سے کر رہا ہے۔ سپریم کورٹ پر حملے، دوران سماعت اس کے احاطے میں لشکری پڑائو اور عدالت عظمیٰ کی صاف نظر آتی سیاسی نوعیت کی تقسیم نے پاکستان میں نظام عدل و انصاف و احتساب کی مکمل قلعی کھول کر رکھ دی ہے ۔عدلیہ کے مایوس کن کردار اور مزاج کے متوازی جس طرح نیب الیکشن کمیشن اور اضلاعی انتظامیہ خصوصاً پولیس کی کارکردگی بے نقاب ہو رہی ہے اس کے ایمی جیٹ بیک گرائونڈ میں ہونیوالی دنیا کی تیز ترین........

© Daily Jang