خدا خدا کرکے الیکشن کا شیڈول آیا مگر شیڈول آتے ہی ایک مرتبہ پھر پریس کانفرنسیں شروع ہو گئی ہیں۔ ظلم کا جادو سر چڑھ کر بول رہا ہے، کاغذات نامزدگی کی وصولی کے پہلے روز کئی واقعات ایسے ہوئے جنہوں نے انتخابات کے منصفانہ اور شفاف ہونے پر سوالات اٹھا دیے ہیں۔ میانوالی سے بیرسٹر عمیر خان نیازی کے والد ریٹائرڈ جج ضیاء اللّٰہ نیازی اپنے بیٹے کیلئے کاغذات نامزدگی لے کر نکلے ہی تھے کہ پنجاب پولیس کے’’قابلِ فخر سپوت‘‘ڈی ایس پی فیصل گجر نے کاغذات چھین لیے۔ ایک بوڑھے باپ سے اس کے بیٹے کے کاغذات نامزدگی چھین لیے جائیں تو الیکشن کی ایسی بنیادوں کو شفاف کون کہے گا، غیر جانبدارانہ کون مانے گا؟ ایسا ہی ایک واقعہ خوشاب میں پیش آیا، اس طرح کے واقعات اور شہروں میں بھی پیش آئے۔ کاغذات نامزدگی کی وصولی کے بعد جو پہلی رات آئی وہ بھی بڑی وحشت ناک تھی، اس رات کی سیاہی میں پنجاب پولیس کے’’بہادر جوان‘‘دیواریں پھلانگ کر دروازے توڑتے رہے، وہ ایسے افراد کی تلاش میں تھے جو کاغذات نامزدگی لے کر آئے تھے۔ اس رات اور دن سے پہلے جو صبح تھی وہ بھی نرالی تھی، اسی صبح گوجرہ کے ایک گھر پر دھاوا بولا گیا، یہاں سے زیر عتاب پارٹی کے امیدوار اسامہ حمزہ کو اٹھا لیا گیا تاکہ امیدوار ہی کو ٹھکانے لگا دیا جائے۔ اسامہ حمزہ کے بزرگ ایم حمزہ متعدد بار قومی اسمبلی کے رکن رہے، ان کے مالی حالات ایسے تھے کہ وہ سائیکل پر انتخابی مہم چلایا کرتے تھے، ابھی تو پہلے مرحلے کا آغاز ہے، ابھی کاغذات جمع ہوں گے، ان کی جانچ پڑتال ہو گی، اس ’’پل صراط‘‘ سے پی ٹی آئی کے امیدوار کیسے گزریں گے، ان کے سامنے آر اوز کی شکل........

© Daily Jang