‎ان دنوں کئی احباب یہ سوال اٹھا رہے ہیں کہ نواز شریف کے پاس جس طرح پہلے’’ووٹ کو عزت دو‘‘کا بیانیہ تھا جس کے تحت وہ کہتے تھے کہ زندگی میں اتنے زیادہ دھکے کھانے اور مشکلیں اٹھانے کے بعد اب وہ انقلابی بن چکے ہیں، آج وہ جس طرح کمپرو مائیز کرتے ہوئے واپس آئے ہیں اب عوام کو بیچنے کیلئے ان کے کھیسے میں کوئی ایسا چورن نہیں جسے لوگ امید بھری نظروں سے دیکھیں۔ وہ جن بیساکھیوں کے طعنے دوسروں کو دیتے تھے آج وہ خود انہیں کے سہارے ہیں، دوسرے وہ ابھی تک خود کو 2017ء سے نکال نہیں پارہے ہر جگہ انکا ایک ہی دکھ ہوتا ہے کہ مجھے کیوں نکالا؟ ‎ اس وقت کے ججز کو ہمارے خلاف فیصلہ دینے کی کیا ضرورت تھی۔ کسی لاڈلے کو لانے کیلئے مجھے ہٹانا اور سزائیں دلوانا اگر ضروری ہوگیا تھا تو اس میں عوام کوکس جرم کی سزا دی گئی، انکےچولہے کیوں بجھا دیے گئے ؟دشمنی مجھ سے تھی تو نقصان ملک کا کیوں کیا گیا؟ ن لیگ کی پارلیمانی پارٹی سے اپنے تازہ خطاب میں نواز شریف کہہ رہے تھے کہ ہمارے یہاں عجب و تیرہ ہے آئین ٹوٹتا ہے تو ہمارے ججز آئین شکن کو ہار پہناتے ہیں پارلیمنٹ ٹوٹتی ہے تو کہتے ہیں ٹھیک ہوا بلکہ ہم آپ کو آئین سے کھلواڑ کرنے کیلئے پورے تین برس کی مدت عنایت کررہے ہیں اور پھر ان ججزکو مزید کہا جاتا ہے کہ نواز شریف اور مریم نواز کوجیل سے باہر نہیں آنے دینا ورنہ ہماری 2سال کی محنت ضائع ہوجائیگی پتہ تو چلے کہ وہ 2سال کی محنت کیا تھی، قوم کو بھی تو پتہ چلے! ‎باتیں نواز شریف کی ٹھیک ہیں ،انکے خلاف نہ صرف یہ کہ سنگین نوعیت کے جھوٹے مقدمات بنائے گئے بلکہ میڈیا ٹرائل میں بھی کوئی کسر نہ چھوڑی گئی۔ انہی دنوں دوریش نے ایک ٹی وی شو میں جب یہ کہا کہ آج کے زمانے میں سب سے بڑا مظلوم نواز شریف ہے........

© Daily Jang