بہت کچھ جس کی ہر ممکنہ طریقے سے تردید کی جاتی ہے ،اتوار کی شب تحریک انصاف کے ہونیوالے ورچوئل جلسے نے ارباب اختیار کو ہلا کر رکھ دیا ۔ وہ اپنے من پسند خواب غفلت سے ہڑبڑا کر جاگ اُٹھے ۔ حکومت کی انٹرنیٹ کو سست کرنے اور ایکس ، فیس بک اور دیگر سوشل میڈیا پلیٹ فارمز کی سروس میں خلل ڈالنے کی کوششوں کے باوجوددس ملین سے زیادہ افراد نے اس میں شرکت کی ۔ یہ جلسہ سوموار کی صبح تک جاری رہا ۔ اس شو کی خاص بات تحریک انصاف کے تاحیات چیئرمین ، عمران خان کا تاریخ ساز خطاب تھا جو مصنوعی ذہانت استعمال کرتے ہوئے نشر کیا گیا۔ جیسا کہ میرے دوستوں میں سے ایک کا کہنا تھا کہ اتوار کی شب عمران خان اور دیگر پارٹی رہنمائوں کی جسمانی موجودگی کے باوجود ورچوئل جلسہ کامیاب ہوا۔ یہ جلسہ تزویراتی طور پر تحریک انصاف کے ووٹروں ، حامیوں اور قیادت کو آنیوالے مشکل چیلنجز کیلئے تیار کرنے کیلئے تھا۔ وہ چیلنج جو آٹھ فروری کے انتخابات سے جڑے ہوئے ہیں ۔

عمران خان اور تحریک انصاف کو ختم کرنے کا منصوبہ بہت پہلے شروع کیا گیا تھا جس کا آغاز خفیہ اور سفاک ریاستی جبر سے ہوا تھا۔ درحقیقت اسے ختم کرنےکیلئے جتنے وحشیانہ حربے استعمال کیے گئے ہیں، اس کی مقبولیت میں اتنا ہی اضافہ ہوتا چلا گیاہے ۔

جب عمران خان کی جمہوری طور پر منتخب حکومت کو مقامی اور غیر ملکی ساتھیوں کے ساتھ مل کر ایک سازش کے ذریعے ہٹایا گیا تو یہ خیال تھا کہ ایک بار اقتدار سے باہر ہونے کے بعد تحریک انصاف ایک مردہ گھوڑا ثابت ہو گی۔ درحقیقت جو کچھ ہوا وہ سمجھے جانیوالے منصوبوں کے برعکس تھا:پارٹی کی مقبولیت میں غیر معمولی اضافہ ہوا، اور اب اسے ملک کی اب تک کی سب سے زیادہ غالب سیاسی قوت کے طور دیکھا جاتا ہے۔ اس کے ناقدین کیلئے یہ بات حیران کن ہو سکتی ہے، لیکن ان لوگوں کیلئے نہیں جو سیاسی تاریخ کے طالب علم رہے........

© Daily Jang