’’کھلاڑی بلے کے بغیر کیسے کھیلیں گے؟ یہ تو نہایت غیر منصفانہ اورامتیازی سلوک ہے۔‘‘

الیکشن کمیشن آف پاکستان کی جانب سے تحریک انصاف کے بین الجماعتی انتخابات کالعدم قرار دیئے جانے اور بلے کا انتخابی نشان واپس لئے جانے کے بعد یہ جو بیانیہ سامنے آیاہے،اسے اختصار کیساتھ متذکرہ بالا جملوں میں بیان کیا جاسکتا ہے۔چونکہ نونہالان ِانقلاب کی تاریخ 10اپریل2022ء سے شروع ہوتی ہے اسلئے وہ کسی بھی زیادتی کے بعد پکار اُٹھتے ہیں، پاکستان کی تاریخ میں پہلی بار کسی مقبول ترین سیاسی جماعت کیساتھ یہ سلوک کیا جارہا ہے۔ ایسی صورت میں یہ ذمہ داری تاریخ کے اس طالب علم کے کندھوں پر آپڑتی ہے کہ ریکارڈ درست رکھنے کی غرض سے حقائق سامنے لائے جائیں۔جب ذوالفقار علی بھٹو نے پاکستان پیپلز پارٹی کی بنیاد رکھی تو تلوار کا انتخابی نشان منتخب کیا گیا پیپلز پارٹی نے 1970ء اور پھر1977ء کے عام انتخابات تلوار کے انتخابی نشان پر لڑے۔ قائد عوام ذوالفقار علی بھٹو کے نام کی مناسبت سے اس تلوار کو حضرت علی ؓکی تلوار کے طور پر پیش کیا جاتا تھا۔ کراچی میں کلفٹن روڈ کے دو اہم ترین چوراہوں پر دو تلوار اور تین تلوار کے نام سے جو یادگاریں ہیں یہ منصوبہ دراصل پیپلز پارٹی کے دورِ حکومت میں 1973-74ء کے دوران مکمل ہوا۔ 1977ء کے عام انتخابات میں حکومت مخالف پاکستان قومی اتحاد کو ’’ہل ‘‘کا انتخابی نشان دیا گیا تھا اور توقع یہ تھی کہ اس انتخابی نشان کیساتھ بھرپور مہم چلانا ممکن نہیں ہوگا لیکن پی این اے نے سماں باندھ دیا اور ہر طرف ایک ہی نعرہ سنائی دیتا ’’ہل نے مچادی ہلچل‘‘۔جنرل ضیاالحق عنان اقتدار پر قابض ہوئے تو 1985ء کے غیر جماعتی انتخابات کے دوران تلوار کو انتخابی نشانات کی فہرست سے نکال دیا گیا۔ پیپلز پارٹی نے 1988ء کے عام انتخابات میں بینظیر بھٹو کی قیادت میں حصہ لینا تھا مگر تلوار کا انتخابی نشان نہ مل سکا۔ چنانچہ تیر کا انتخابی نشان لے لیا گیا۔جیالوں نے صورتحال کی مناسبت سے یہ نعرہ لگایا کہ جب چیئرمین ذوالفقار علی بھٹو تھے تو انتخابی نشان تلوار تھا ،اب چیئر........

© Daily Jang