ایک فارسی شعر برسوں سے ذہن میں گونجتا تھا۔ پاکستان کے ابتدائی برسوں میں ہمارے عظیم والد حکیم صوفی شیر محمد بھی اپنی تقریروں میں پڑھا کرتے تھے۔

درمیان قعر دریا تختہ بندم کردہ ای

باز می گوئی کہ دامن تر مکن ہشیار باش

( دریا کے منجدھار میں مجھے تختے پر باندھ کر چھوڑ دیا ہے۔ پھر یہ بھی کہتے ہو کہ خبردار ہوشیار دامن تر نہ کرنا)

ان دنوں یہ شعر عملی جامہ پہن کر میرے سامنے ہے۔ کبھی راجدھانی کے قریب پس دیوار زنداں۔ کبھی دارُالحکومت کے چوراہوں میں۔

میرے پاس بھی کہانیاں بہت ہیں۔ میں بھی آپ کو ڈرامائی انداز میں قصّے سناکر خوب مدہوش رکھ سکتا ہوں۔ لیکن مجھے اپنے آئندہ کی تشویش رہتی ہے۔ میری نصف صدی سے کوشش رہتی ہے کہ جو کچھ میرے بزرگوں کو میری گنہ گار آنکھوں کو جھنگ لاہور، کوئٹہ، کراچی، ملتان، ڈھاکہ، چٹاگانگ، دبئی، کھٹمنڈو میں دیکھنے کو ملا ہے۔ میرے بیٹوں بیٹیوں، پوتوں پوتیوں، نواسوں نواسیوں، بہوئوں دامادوں کو اسکا سامنا نہ کرنا پڑے۔ چند گروہ ہیں جو ہمیں مسلسل اضطراب میں رکھتے ہیں۔ اپنی راحتیں برقرار رکھتے ہیں۔ وہ اقلیت میں ہیں۔ پھر بھی اکثریت کی نیندیں اڑاتے رہتے ہیں۔ دنیا بھر کے مصلحین، فلسفیوں، دانشوروں نے صدیوں کی عرق ریزی کے بعد انتخابات کا طریق کار۔ مسلمہ طور پر اکثریت کی رائے کیلئے طے کیا کہ ایک فرد ایک ووٹ کے ذریعے کروڑوں ووٹر کسی ایک پارٹی کو مینڈیٹ (حق حکمرانی) دے کر ملک کو استحکام اور خوشحالی کی راہ پر لے جاتے ہیں۔یہ پارٹی اپنے ماہرین کے ذریعے ایک انتخابی منشور (روڈ میپ) قوم کے سامنے پیش کرتی ہے۔ ہمارے ہاں اس طریق کار کو بھی 1985ءکے غیر جماعتی انتخابات کے انعقاد کے ذریعے ختم کردیا گیا۔ اسکے بعد باریاں لگیں۔ عوام کو اپنی مرضی کے نمائندے منتخب کرنے کی آزادی نہیں ملی ہے۔

اس پس منظر سے ہمارے با شعور، عوام اچھی طرح واقف ہیں،اس وقت دریا میں طغیانی بھی ہے۔ الیکشن کمیشن نے پی ڈی ایم کی اپوزیشن کے بغیر پارلیمنٹ نے اپنی قانون سازی سے ملک کی سیاسی زندگی میں بھونچال برپا کیے ہوئے ہیں۔ کسی ملک کی تاسیس سے پہلے بھی اتنے........

© Daily Jang