شیکسپیئر نے ڈرامے ’’دی ٹیمپسٹ‘‘ میں کہا تھا ، ’’ یہ ہیں وہ موتی جو کبھی اس کی آنکھیں تھیں ۔‘‘اس جملے کا اثر اتنا طاقتور تھا کہ ٹی ایس ایلیٹ نے نظم’’ویسٹ لینڈ‘‘ میں اسے دہرایا :’’ مجھے یا د ہے ، یہ وہ موتی ہیں جو کبھی اس کی آنکھیں تھیں۔ ‘‘ ایلیٹ ’’مردہ کی تدفین‘‘ میں اس سے ملتا جلتا منظر پیش کرتے ہیں ، گرچہ تفصیل کیساتھ : اس سرخ چٹان کے نیچے سایہ ہے / اس سرخ چٹا ن کے سائے میں آجائو/ اور میں تمھیں کچھ مختلف دکھائوں گا/یا تو تمہارا سایہ صبح کے وقت تمہارے پیچھے چل رہا ہوگا / یا شام کے وقت تمہارا سایہ تم سے ملنے آگے موجود ہوگا/ میں تمھیں مٹھی بھر مٹی میں خوف دکھائوں گا۔بطور قوم ہم ایسے ہی مرض میں مبتلا ہوتے رہے ہیں ، لیکن حالیہ دنوں یہ علالت کہیں زیادہ سنگین ہوچکی۔ ایسا دکھائی دیتاہے جیسے تمام معاشرہ خوف اور نابینا پن کے دہرے مرض میں مبتلا ہے ۔ لیکن یہ نابیناپن نہیں جس نے ہمیں خوفزدہ کررکھا ہے بلکہ یہ خوف ہے جس نے ہمیں اندھا کردیا ہے ۔ اس کی وجہ وہ نتائج ہیں جن کا لامحالہ سامنا کرنا پڑ سکتا ہے ، یا پھر وہ ریاست کی پھیلائی ہوئی دہشت سے راہ فرار اختیار کرنے کا ایک طریقہ ہے کہ آنکھیں موند لیں۔

جب لوگوں کو اٹھا کر ان سے زبردستی اعترافی بیانات حاصل کئے جارہے ہوں ، تمام معاشرہ نادیدہ طاقتوںکے ہاتھوں یرغمال بن چکا ہو،ا ور وہ طاقتیں صرف نظر سے ہی نہیں ہر قسم کے احتساب سے بھی ماورا ہوں۔یہ طاقتیں سایوں کی اوٹ میں ہیں ، صرف ان کے ہیولے ہی منڈلاتے دکھائی دیتے ہیں لیکن انسانی آنکھ ان کی واضح شکل دیکھنے سے قاصر ہے ۔ اس مرحلے پر جہاں آج پاکستان کھڑا ہے یہ بات قابل بحث ہے کہ کیا یہ صورت حال بصارت سے محرومی کا نتیجہ ہے ، یا پھر خوف کی وجہ سے انسان اس منظر سے نظریں پھیر لیتے ہیں ۔ لیکن دونوں امکانات جیتے جاگتے حقائق ہیں ۔ ان سے ایک ہی نتیجہ نکلتا ہے ۔ زندگی ان حدود سے........

© Daily Jang