’’پاکستان وسائل کی دولت سے مالا مال ہے، پاکستان کے پاس، گلیشیر، دریا، پہاڑ، اور زرخیز زمین ہے جس سے دنیا کا بہترین چاول، کینو اور آم جیسے پھل، گرینائٹ، سونا اور تانبا جیسے خزانے موجود ہیں۔ زراعت اور مویشی بانی پیغمبروں کا پیشہ رہا ہے۔‘‘

حضور! آپ نے جو فرمایا ،سب قوم کا سرمایہ۔ ہم بچپن سے یہ باتیں سنتے چلے آرہے ہیں کہ وطن عزیز میں قدرتی گیس، سونے، چاندی، تانبے اور گرینائٹ کے اتنے بڑے ذخائر موجود ہیں کہ ان سے عام آدمی کی قسمت بدل سکتی ہے ۔بتایا جاتا ہے کہ پاکستان خطے کا اہم ترین ملک ہے، جغرافیائی محلِ وقوع کی وجہ سے پاکستان کو نظر انداز نہیں کیا جاسکتا۔ تبدیلی کا چورن بیچنے والے ایک صاحب جو ’’کیکڑا ون‘‘ کے جیک پاٹ کی خبر دیا کرتے تھے، انہوں نے انکشاف کیا تھا کہ پاکستان کو 12 موسم عطا کئےگئے ہیں۔ اس سے پہلے خوشخبری دی گئی تھی کہ چنیوٹ کے علاقے رجوعہ سے بہت بڑا خزانہ دریافت ہوا ہے۔یہ باتیں کسی حد تک درست بھی ہیں۔ غالباً 2014ء کے دوران انہی صفحات پر ’’قیادت کا شارٹ فال‘‘کے عنوان سے لکھے گئے ایک کالم میں عرض کیا تھا ’’کرہ ارض پر موجود آزاد ممالک اور ریاستوں کا شمار کیا جائے تو چھوٹے بڑے ممالک کو ملا کر یہ تعداد 200 کے لگ بھگ بنتی ہے۔ ان میں سے ایک ملک جو آبادی کے اعتبار سے چھٹے اور رقبے کے لحاظ سے 34ویں نمبر پر ہے، اسے دنیا بھر کے دانشور عجوبہ قرار دیتے ہیں، یہ ملک روس سے دس گنا چھوٹا ہے لیکن اسکا نہری نظام اسکے مقابلے میں دس گنا بڑا ہے۔ بہترین موسم، گرم پانیوں، معتدل آب و ہوا اور زرخیز زمین کے باعث یہ خطہ کاشتکاری کیلئے انتہائی موزوں سمجھا جاتا ہے۔ اگرچہ اس ملک کی 40فیصد زرعی اراضی اب بھی کاشتکاری کیلئے بروئے کار نہیں لائی گئی اور جدید سہولتوں کے فقدان کے باعث فی ایکڑ پیداوار بھی بہت کم ہے، مگر اسکے باوجود یہ ملک........

© Daily Jang