2023 اپنی تمام تر حشر سامانیوں کے ساتھ غروب ہو چکا ہے اور2024ایک نئی آب و تاب کے ساتھ طلوع ہو گیاہے۔اس وقت پاکستان کا ایک بڑا حصہ دھند سے ڈھکا ہوا ہے اسی طرح ملک کا سیاسی اور معاشی مطلع بھی امید کی روشنی سے محروم دکھائی دے رہا ہے۔2023میں پاکستان میں کیا کچھ نہیں ہوا۔ معاشی اور سیاسی میدان میں ایسی تبدیلیاں رونما ہوئیں جن کا تصور بھی نہیں کیا جا سکتا تھا۔آئین اور قانون کی بے توقیری کی نئی مثالیں قائم ہوئیں۔دو صوبوں کے عوام منتخب حکومتوں کے انتخاب سے محروم رہے۔عدالتی اور قانونی محاذ پر ناقابل بیان مثالیں قائم کی گئیں۔ملک کی دم توڑتی معیشت کے ساتھ پی ڈی ایم نے وہ سلوک کیا جو غاصب حکمرں مفتوحہ قوموں کے ساتھ کرتے ہیں۔پاکستانی قوم جو پہلے ہی مہنگائی کی چکی تلے پس رہی تھی اسے مزید رگیدا گیا۔گزشتہ مالی سال کے اختتام پر پاکستان نے آئی ایم ایف سے تین ارب ڈالر کا ایک مختصر مدتی اسٹینڈ بائی معاہدہ کیا اور یہ بندوبست مہنگائی کا ایسا طوفان لے آیا جس نے ماضی کے سارے ریکارڈ توڑ دیے۔پی ڈی ایم حکومت کے غیر دانشمندانہ معاشی اقدامات کی بدولت شر نمو منفی ہو گئی اور آج ملک میں مہنگائی کی ہفتہ وار شرح 43 فیصد تک پہنچ گئی ہے۔آئی ایم ایف پروگرام کے تحت تمام طبقات کو ایک ہی لاٹھی سے ہانکنا شروع کر دیا گیا۔ مالیاتی وسائل میں اضافہ تو کیا ہونا تھا،سرکاری ضرورتیں ہی بڑھا دی گئیں۔قرض کی ادائیگی اخراجات کی سب سے بڑی مد بن گئی اور اس پر مستزاد یہ کہ اس شیطانی چکر سے نکلنے کا کوئی حل بھی سامنے موجود نہیں۔سال گزشتہ میں ہر شعبہ روبہ و زوال رہا۔سیاسی اقدار ختم کی گئیں، سیاسی کارکنوں کے گھروں کی چار دیواری کا تقدس کچھ اس طرح پامال کیا گیا کہ تمام آئین شکنوں کی روحیں بھی شرمندہ ہو گئیں۔نو مئی کے افسوس ناک واقعہ کی آڑ میں بے گناہ لوگوں پر مقدمات........

© Daily Jang