ماہ رنگ بلوچ اور سمی بلوچ نامی دو بیٹیاں جو صرف بلوچستان ہی نہیں بلکہ پورے پاکستان کی بیٹیاں ہیں، چند روز پہلے لانگ مارچ کر کے اسلام آباد پہنچیں، جنوبی پنجاب چونکہ بلوچستان کی سرزمین رہی ہے یہاں لغاری، مزاری، دشتی اور دیگر بلوچ قبیلے نہ صرف اثر ورسوخ رکھتے ہیں بلکہ سرداری نظام بھی یہاں کافی مضبوط رہا ہے۔ یہ ہی وجہ ہے کہ اس بار بلوچ لانگ مارچ سندھ کے بجائے بلوچستان کے راستے جنوبی پنجاب میں داخل ہوا جہاں سرکاری مشینری نے اس لانگ مارچ کو کچلنے کے لیے ہر حربہ استعمال کیا کیوں کہ جنوبی پنجاب کےعوام اس مارچ کی خدمت کرنے کے لیے سڑکوں پر موجود تھے، ویسے بھی پاکستان کا ہر خطہ مہمان نوازی کے لیے مشہورہے۔ اور یہ بلوچ مارچ ہوتا یا کوئی اور مارچ یہاں مہمان نوازی ہونا لازم تھی، مگر جس طرح کا تضحیک آمیز رویہ یہاں کی افسر شاہی نے اپنایا وہ انتہائی قابل مذمت ہے۔ یہاں چلیں کوئی گرفتاری یا تشدد نہ کیا گیا لیکن جیسے ہی ماہ رنگ بلوچ اور ان کے ساتھی اسلام آباد میں داخل ہوئے تو جو کچھ ان کے ساتھ کیا گیا اس سے پوری دنیا کو ایک پیغام گیا کہ پرامن مظاہروں کے لیے اسلام آباد میں کوئی جگہ نہیں، ایسا لگتا تھا جیسے پوری ریاست کی طاقت سے زیادہ طاقتور ماہ رنگ بلوچ اور دیگر خواتین اور بچے ہیں جن سے اتنا خوف تھا کہ انھیں پکڑ کر تھانے پہنچا دیا گیا۔ پاکستان میں چند ہی لوگوں کو علم تھا کہ کوئی مارچ ہورہا ہے اگر تشدد نہ کیا جاتا تو کسی کو کانوں کان علم بھی نہ ہوتا کہ بلوچ لانگ مارچ ہواہے ۔ مگر تشدد کے بعد ماہ رنگ بلوچ اور ان کے ساتھیوں کے لیے پورے پاکستان میں ہمدردی کی لہر دوڑ گئی۔ شکریہ تو اس قوم کو حامد میر کا کرنا چاہیے جو بروقت ماہ........

© Daily Jang