پاکستانیوں کا پچھلا سال کیسا گزرا، افتادگانِ خاک نے کیا کھویا کیا پایا،پریشان حالوں کے کون سے گنجل سلجھ پائے اور کون سے نئے جھنجھٹ ایجاد ہوئے،نڈھالوں کے کون سے زخم بگڑے اور کون سے مندمل ہوئے؟ براہِ راست مشاہدہ کی بِنا پر قائم کی گئی رائے صائب سمجھی جاتی ہے سو غزنویہ منزل کے خُدام کے 2023 پر نظر ڈالتے ہیں، بات روشن ہو جائے گی۔

نصرت گِل 2023 کے آغاز میں کپڑے دھونے اور استری کرنے کے لیے غزنویہ منزل تشریف لائی تھیں، اُن کی عمر 25 برس تھی اور بچوں کی تعداد چار تھی، بڑے بیٹے کی عمر آٹھ سال، اس سے چھوٹے کی چھ سال، اور جڑواں بیٹے تین سال کے تھے۔ نصرت کا خاوند اقبال مسیح نشہ کرتا تھا، آمدن مستقل نہ تھی، اسی لیے نصرت کو نوکری کرنا پڑی تھی۔ پھر ایک دن خبر ملی کہ نصرت غزنویہ منزل سے نوکری چھوڑ کر چلی گئی ہے۔ تبدیلی کی ہوا کچھ ایسی چلی کہ اس کے چند روز بعد غزنویہ منزل کا باورچی محمد سلیم رحمانی بھی کام چھوڑ گیا۔ چند ماہ گزر گئے۔ ایک دن سلیم رحمانی کا ظہورِ ثانی ہو ا اور اس کے ہم راہ نصرت گِل بھی تھی۔ سلیم نے بتایا کہ نصرت گِل اب اُس کی بیوی ہے، اور اس کا اسلامی نام نصرت فاطمہ ہے۔ نصرت نے بتایا کہ میں نے اپنے پہلے خاوند اقبال مسیح سے باقاعدہ طلاق تو نہیں لی تھی کیوں کہ عیسائیوں میں طلاق نہیں ہوتی، میں نے بس کلمہ پڑھا، اللہ کا نام لیا اور چاروں بیٹوں کو لے کر سلیم رحمانی کے ساتھ چل پڑی۔ سلیم نے بتایا کہ پانچ لوگوں کو مسلمان کرنے سے یقیناً اس کی آخرت سنور چکی ہے، اور یہ اس کی زندگی کی سب سے بڑی کام یابی ہے، اس نے ’پرائے‘ بچے پالنے کے فضائل پر بھی اپنے افکار ارزاں کئے۔ خیر،سلیم اور نصرت پھر سے غزنویہ منزل کے خُدام میں شامل ہو گئے۔ چند ماہ گزر گئے۔ اب پچھلے ہفتے نصرت نے بتایا کہ وہ بہ صد خواہش اپنے بچوں کو........

© Daily Jang