سرتاج عزیز واقعی سیاست کے سرتاج تھے۔ انہوں نے اسلامیہ کالج لاہور سے بطور طالب علم رہنما قیام پاکستان کی جدوجہد میں بھرپور حصہ لیا تو ’’مجاہدپاکستان ‘‘کے سرٹیفکیٹ سے نوازا گیا۔ مارچ 1946ء میں قائداعظم تقسیم انعامات کی تقریب میں شرکت کیلئے آئے تو انہوں نے اپنی تقریر میں کہا کہ آپ ’’مجاہد پاکستان‘‘تو ہیں مگر اب میں آپ سے کہوں گا کہ ’’معمار پاکستان‘‘ بنیں۔ کامرس اور انڈسٹری کے شعبہ جات کی طرف توجہ دیں۔ شام کو ممدوٹ ولا میں قائداعظم سے ملاقات کے دوران سرتاج عزیز نے معصومانہ سوال کیا کہ ہم طالبعلم صنعت وحرفت کیلئے کیا کرسکتے ہیں،آپ جاگیرداروں سے کہیں کہ ان شعبہ جات میں سرمایہ کاری کریں۔ قائداعظم نے شفقت بھرے انداز میں جواب دیا’’برخوردار !جب میں طالبعلموں سے کہتا ہوں کہ اس طرف توجہ دیں تو اس کا مطلب ہوتا ہے کہ تعلیم کا رُخ ان شعبہ جات کی طرف موڑ دیں۔‘‘سرتاج عزیز قانون دان بننا چاہتے تھے مگر قائداعظم کی اس نصیحت کے بعد انہوں نے ہیلی کالج آف کامرس میں داخلہ لے لیا۔ تعلیم مکمل کرنے کے بعد پنجاب اور خیبرپختونخوا پبلک سروس کمیشن کے ذریعے محکمہ اطلاعات میں بھرتی ہوئے۔ بعد ازاں سی ایس ایس کا امتحان پاس کرکے پاکستان ملٹری اکائونٹس سروس کا حصہ بن گئے۔ پلاننگ کمیشن آف پاکستان کے ڈپٹی ڈائریکٹر کے طور پر خدمات سرانجام دیں مشرقی پاکستان کی علیحدگی کے بعد اقوام متحدہ کے ذیلی ادارے میں خدمات سرانجام دیں اور جنرل ضیاالحق کے دور میں پاکستان واپس آکر وزیر مملکت برائے خوراک کا منصب سنبھالا۔ 1985ء کے غیر جماعتی انتخابات کے بعد وزیراعظم جونیجو کی کابینہ میں شامل رہے ۔اس دوران قومی اسمبلی کی اسپیکر گیلری میں ان کی نوازشریف سے پہلی بار ملاقات ہوئی ۔سرتاج عزیز کو حیرت ہوئی کہ وہ ممبر قومی اسمبلی ہیں مگر حلف اٹھانے کے بجائے گیلری میں کیوں بیٹھے ہیں۔ وہ نواز شریف کی طرف گئے اور بے ساختہ بولے ’کیا آپ پنجاب کے وزیراعلیٰ بننے........

© Daily Jang