بلے کے نشان کے حوالے سے پشاور ہائی کورٹ میں جو کچھ ہوا، اس نے ایک نئی عدالتی تاریخ رقم کی ہے۔ عدالتوں کا کردارحیران کن ہے۔ اگر عدالتیں درست انداز میں کام کرتیں تو اس وقت ملک اس صورتحال میں نہ ہوتا۔ نو مئی کو جن شرپسندوں نے سرکاری املاک کو نقصان پہنچایا، اگر عدالتوں نے ان کے کیس سنے ہوتے، مجرموں کو سزائیں سنائی ہوتیں، بے گناہوں کو رہا کیا گیا ہوتا تو آج یہ صورتحال نہ ہوتی۔ اس وقت معاملہ یہ ہے کہ وہ لوگ جن کے بارے میں کسی عدالت کا کوئی فیصلہ موجود نہیں، اس لئے وہ یہ سمجھتے ہیں انہیں لیکشن لڑنے کا پورا پورا حق ہے۔ دوسری طرف افواج پاکستان کا خیال ہے کہ یہ وہ لوگ ہیں جنہوں نے شہدا کی یادگاروں کو نقصان پہنچایا ہے اگر وہ الیکشن لڑ کر اسمبلیوں میں پہنچ جاتے ہیں تو یہ قوم و ملک کیلئےاچھی بات نہیں۔ بنیادی مسئلہ وہی ہے کہ انصاف کی فراہمی درست انداز میں نہیں ہو سکی۔ عدالتیں اپنے فرائض صحیح طور پر سر انجام نہیں دے سکیں۔ ایسا ہو جاتا تو نہ کسی امیدوار کے کاغذات چھینے جاتے، نہ کسی کو الیکشن لڑنے کے حق سے محروم کیا جاتا۔ اب معاملہ یہ ہے کہ انصاف نہ ملنے کے سبب بہت سے ایسے پی ٹی آئی کے کارکن جو نومئی کی شرپسندی میں شریک نہیں تھے۔ وہ بھی گرفتار ہیں یا مفرور ہیں اورجو اس میں ملوث تھے، ان کا بھی کوئی پتہ نہیں۔ جن لوگوں کی تصویریں ویڈیوز سے حاصل کی گئیں شرپسندی کرتے ہوئے ،ان میں سے کسی ایک کو بھی سزا نہیں ملی اور اسی نا انصافی کے سبب الیکشن متنازع ہوتے چلے گئے۔ بہت سے بے گناہوں کے خلاف نون لیگ کے امیدواروں نے اپنے اثر رسوخ سے پولیس کو استعمال کیا، بدنامی اسٹیبلشمنٹ کی ہوئی۔ جیسے عثمان ڈار کی والدہ نے الزام........

© Daily Jang