‎ان دنوں خبروں کی برسات ہے۔ ہفتے میں دو کی بجائے دن میں دو کالم بھی لکھے جائیں تب بھی موضوعات ختم نہ ہونے پائیں۔ ہماری جوڈیشری میں ہی جو دلچسپ مقدمات اور ان کی تفصیلات چل رہی ہیں وہی کچھ کم نہیں اور پھر انتخابات کی آمد آمد ہے صبح و شام نئی نئی کہانیاں بن رہی ہیں، جی چاہتا ہے اس صورتحال کا تفصیلی منظر نامہ لکھا جائے لیکن موقع ہی نہیں مل پا رہا۔ ‎8؍فروری کے انتخابات پتھر پر لکیر قرار دیے جانے کے باوجود کئی احباب ہیں جن کی تسلی نہیں ہورہی، ہماری صحافت میں بھی ایسے بہت سے تجزیہ کار ہیں ،جنہیں ہنوز الیکشن کا ماحول بنتانظر نہیں آتا۔ ن لیگ کی قیادت جلسے کیوں نہیں کر رہی؟ پی ٹی آئی کا کیا فیوچر ہے؟ وہ الیکشن لڑے گی یا بائیکاٹ کرے گی؟ کئی صحافیوں کو بلے کے نشان کی فکر دامن گیر ہے؟ ٹکٹوں کا اور سیٹ ایڈجسٹمنٹ کا کیا بنے گا؟ جنرل فیض کے مقدمے کا کلائمیکس کیا ہوگا؟ فیض آباد دھرنے کے اصل کلپرٹ کون قرار پائیں گے؟‎کھلاڑی کی اپروچ کیاہے؟وہ اسٹیبلشمنٹ کیساتھ کیا رویہ اپنانا چاہتا ہے؟ چھڑی کا یا گاجر کا؟ کیا اسے خود سمجھ نہیں آرہی کہ اس کومقتدرہ کے ساتھ کس طرح کا معاملہ کرنا ہے اور سپریم جوڈیشری کے سامنے کس طرح بولنا ہے؟

ایک طرف بیرسٹر گوہر کے ذریعے ٹھنڈی پھونکیں مار رہا ہے دوسری طرف شیر افضل کے ذریعے ردعمل کی پروا کئے بغیر میڈیا کے ذریعے عدالتوں میں دھاڑ رہا ہے یا انہیں انڈر پریشر لانا چاہتا ہے، اس سے بھی بڑھ کر الیکشن کمیشن کے سامنے اپنی پہلی توہین کی بخشش کرواتے ہوئے وہ اس سے بھی بھاری نئی توہین کا مرتکب ہوگیا ۔ اس نوع کی رپورٹس پڑھتے اور سنتے ہوئے درویش کو سخت حیرت ہوئی کہ کیا واقعی قیدی نمبر 804اس قدر فارغ ہوچکا ہے کہ اپنے وقار اور توقیر کا خیال کئے بغیر الیکشن کمیشن کی معزز قیادت پرچڑھ دوڑے! جب اپنے ذرائع سے تحقیق کروائی تو معلوم ہوا وہ تو........

© Daily Jang